Genesisi 32:31 - Bhiblia Yo Sawuleka

³¹ Ngako ditambo di txi huma, Jakobe a manekile a di tshawunyetile Peniyeli, kambe a txi khwita ngu mhaka ya nyonga yakwe.

Genesisi 32:31 Referans Kwoze

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

2 Vakorinto 12:9

aniko, ene a ni gete ku khene: “Kateko yangu yi ku enelete. Nguko, mtamo wangu wu tikomba ngu kuhetiseka ahawa ku ku ni kutandeka.” Ngu toneto, ani ni dhunda ku ti dhumisa ngu kutandeka kwangu, kasiku ni na mana kuvhunwa ngu mtamo wa Kristu.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Masalmo 38:17

Konkuwa ni hafuhi ni kuwa; kuxaniseka kha ku ni leki, otshe masiku.

Valamuli 8:8

A di khukhile konaho, a to kwela a txi ya Penuweli, ahawa a nga ya va mahela kona txikombelo txile. Vathu va Penuweli ni vona va mxamute ngu mapswi o fana ni ya vathu va Sukote.

Genesisi 32:25

Nga ti m'thu wule a nga wona ti to kha mxuli Jakobe ngu kupfinyana nayo, a to mpeka ha digunyunguni ka nyonga, se nyonga ya Jakobe yi to hambaneka mbimo yi a nga txi lwa nayo.

Genesisi 19:23

Mbimo yi ditambo di nga ti guleka txitimwi ka mafu, Loti a to wulela Zowari.

Genesisi 19:15

Se ni mabimbi-kutxa, tingelozi ti to khongotela Loti, ti txi kha tona: “Khukha, teka msikati wako ni vanana vako vavambidi vamahorana, ava va kuho kona hawa, kasi u si loviswi ngu txikhawuliso txa didhoropa.”

Genesisi 32:32

Ngu mhaka yeto, va ka Israyeli kha va dyi msiha wa ha nyongani, wu ku ngu ha ka digunyungu, kala nyamsi, nguko ngu kona ha msihani ka nyonga Txizimu txi nga dayisa Jakobe.

1 Vafumeli 12:25

Se Jerobhowamu a to aka Sikemi, ka mmango wa Efrayime, e zumba konaho, a to khukha nguho eya aka Penuweli.

1 Vafumeli 18:26

Se va to teka dirole dile va nga ningwa, ve di lulamisela; se va to khongela ditinani ka Bhahali, kukhukhela ni mixo kala ni hagari ka mitshikari, va txi kha vona: Awe Bhahali, hi xamule! Aniko kha ka pfala dipswi, hambi ni wo xamula; na va txi ndaka-ndaka txitimwi ka txiluvelo txile txi nga ti mahilwe.

Genesisi 16:13

Se Hagari a to raya Mkoma wule a nga ti womba-womba nayo, ditina do khene: “Awe u Txizimu txo wonwa,” nguko u ti khawe: “Ina kha na wona Txizimu txi txi ni wonako kani?”

Eksodha 24:10

se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.

Eksodha 24:11

Kambe Mkoma kha guleta dianza dakwe txitimwi ka vasawuleki, hagari ka vanana va ka Israyeli; kambe va txi wonile Txizimu, va dyite, ve sela.

Dhewuteronome 5:24

se mi ti khanu: “Mkoma, Txizimu txathu, a hi kombile wudhumo wakwe ni wuhombe wakwe, athu hi engisile dipswi dakwe di txi huma ngu hagari ka mndilo. Nyamsi hi woni ti to Txizimu txa sikota kuwombawomba ka m'thu, se m'thu e tama a txi hanya.

Dhewuteronome 5:26

Nguko i mani a nga engisa, kufana ni nathu, dipswi da Txizimu txi txi hanyako, txi txi womba-womba hagari ka mndilo, e tama a txi hanya kani?

Valamuli 6:22

Sekoko Gidhiyoni a ti woni ti to i Ngelozi ya Mkoma. Se a to womba a txi khene: “Yowe! Mkoma Txizimu! Ni woni Ngelozi ya Mkoma, khohe ni khohe!”

Valamuli 6:23

Aniko Mkoma a m'gete a txi kha ene: “Kudikha ku nave ni nawe! U nga thave nguko khu na mbi fa.”

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.