Genesisi 32:29 - Bhiblia Yo Sawuleka

²⁹ Jakobe a muwotisile, a txi khene: “Na ku kombela ni gele ditina dako.” Aniko ene a to mxamula, a txi khene: “Ngu kutxani u txi ni wotisa ditina dangu kani?” Se a to mkatekisa kona hale.

Genesisi 32:29 Referans Kwoze

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Jobe 11:7

Ina u na manela tinzila ta Txizimu, uza u hokela kuhetelelani ka wa Mtamo-wotshe kani?

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Mavingu 30:4

I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Dhewuteronome 29:29

Simaha so sisala si lumba Mkoma, Txizimu txathu; aniko simaha si si wonekako, si lumba athu ni vanana vathu, yotshe mbimo, kasi ku hi na xayisa mapswi a mlayo wuwa.

Genesisi 35:9

Txizimu txi to humelela kambe ka Jakobe, na ene a txi ta ngu Padhani-Aramu, txi txi mkatekisa.

Genesisi 17:5

Kambe khu na mbiswa u txi dhanwa ku u Abramu, aniko ditina dako u na va u di Abrahamu, nguko ani ni na kumaha tate wa matiko o tala.

Genesisi 35:10

Se Txizimu txi to kha txona kwakwe: “Ditina dako u Jakobe; khu na mbiswa u txi dhanwa kambe ngu ditina da Jakobe: Aniko ditina dako u na dhanwa ku u Israyeli.” Txizimu txi to mraya ditina daku i Israyeli.

Mitengo 20:14

Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

1 Vafumeli 18:31

Se Elija a to teka digumi da marigwi ni mambidi, madingano ni mtengo wa tihunzu ta vanana va Jakobe, se di to ta kwakwe dipswi da Mkoma, di txi ta kha dona: Ditina dako u na va Israyeli.

2 Vafumeli 17:34

Kala ka ditshiku da nyamsi, va maha sona sihena sile sa kukhata; kha va thavi Mkoma, kambe kha va londisi sileleto sakwe ni silayelo sakwe, hambi milayo, ni sirumo sile Mkoma a nga ruma vanana va Jakobe, awule a nga mninga ditina da Israyeli.

1 Makronika 1:34

Abrahamu koko a to veleka Isaake; se vanana va Isaake i Esawu, ni Israyeli.