Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”
Se Txizimu txi to kha txona kwakwe: “Ditina dako u Jakobe; khu na mbiswa u txi dhanwa kambe ngu ditina da Jakobe: Aniko ditina dako u na dhanwa ku u Israyeli.” Txizimu txi to mraya ditina daku i Israyeli.
Se a txi mu heleketa ka Jesu. Jesu a to mu wonisisa, se a txi khene: “Awe ngawe Simoni, mwana Johani; u na dhanwa ku u Khefasi” (ati ti wombako ku Pedro, Dirigwi.)
Kala ka ditshiku da nyamsi, va maha sona sihena sile sa kukhata; kha va thavi Mkoma, kambe kha va londisi sileleto sakwe ni silayelo sakwe, hambi milayo, ni sirumo sile Mkoma a nga ruma vanana va Jakobe, awule a nga mninga ditina da Israyeli.
Sekoko Sawule a to khene ka Dhavhidha: Kateka awe mwanangu Dhavhidha; nguko wu na maha timhaka ta hombe, kambe wu na humelela. Sekoko Dhavhidha a to tsula ngu nzila yakwe, se Sawule nene a to tshumela eya wukhaloni kwakwe.
Se Elija a to teka digumi da marigwi ni mambidi, madingano ni mtengo wa tihunzu ta vanana va Jakobe, se di to ta kwakwe dipswi da Mkoma, di txi ta kha dona: Ditina dako u na va Israyeli.
Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.