Genesisi 32:26 - Bhiblia Yo Sawuleka

²⁶ Ene a wombile, a txi khene: “Ni leke ni txi tsula, nguko wuronga wu gwimbile.” Aniko Jakobe a mxamute, a txi khene: “Ani kha ni na mbi kuleka ngako u si ni katekisi.”

Genesisi 32:26 Referans Kwoze

Hoseya 12:4

Ku nga mthangeli a lwite ni ngelozi, a txi yi xula; a dite, a txi yi kombela; kambe a to mana Txizimu kona Bheteli, se txona txi womba-womba ni nathu koneyo;

Masalmo 67:1

Awe Txizimu, telwa ngu wumbilu ni nathu, u hi katekisa; maha ti to khohe yako yi txi hi woninga

1 Makronika 4:10

Nguko Jabhesi a to kombela ka Txizimu txa Israyeli, a txi khene: Ni katekise ngutu, u anamisa mihingano yangu, ni dianza dako di va ni nani, ni ku ni vhikela ka sikarato! Se Txizimu txi to mninga ati a nga kombela.

Ndando ya Tindando 3:4

Ni di hambunyetani navo, koneko ni to mana wule muhefemulo wangu wu mtsakelako; Ni to mñola, kala kuza ni mwuleta nyumbani ka mame, txibhiyani ka wule a nga ni veleka.

Varoma 8:37

Aniko ka sotshelele siya, ha xula ka kupindisa ngu mtamo wa wule a nga hi randa.

Eksodha 32:10

Sekoko, konkuwa ni leke; ati to kuhenya kwangu ku txi tura masoni kwawe, ni txi va lovisa. Aniko ni na maha ngu ngawe mfumo wa hombe.”

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Isaya 45:11

A womba tiya Mkoma, Msawuleki wa ka Israyeli, wule a nga m'va nga: Ni wotiseni ta masiku ale matako; mi na lava kuziva mhaka ya vanana vangu, ni mhaka ya mthumo wa manza angu.

Ndando ya Tindando 7:5

Msungo wako wu fana ni mmango wa Karmeli, ni misisi ya ha msungo kwako, nga disilika do bhilivhila; mfumeli a khotetwe ngu timbobo tako.

Dhewuteronome 9:14

Ni leke ni va lovisa, ni fuvisa ditina dawe hahatshi ka nzuma; ni na maha ngu ngawe mfumo wa mtamo ngutu, ni kutala kupinda vona.”

Genesisi 32:25

Nga ti m'thu wule a nga wona ti to kha mxuli Jakobe ngu kupfinyana nayo, a to mpeka ha digunyunguni ka nyonga, se nyonga ya Jakobe yi to hambaneka mbimo yi a nga txi lwa nayo.

Genesisi 32:27

Ene a to mu wotisa, a txi khene: “Ngawe mani ditina dako kani?” Se Jakobe a xamute, a txi khene: “Ngani Jakobe.”