Genesisi 32:24 - Bhiblia Yo Sawuleka

²⁴ Se Jakobe a to sala ekha. Ku to humelela m'thu wokari a txi ta lwa nayo, kala kuza ku txi gwimba wuronga.

Genesisi 32:24 Referans Kwoze

Vaefesu 6:12

nguko kha hilwi ni nyama ni mnoha, aniko hilwa ni mimoya yo biha yi ku txitimwi mpfhukani, ni tinduna, ni vafumi ni vakoma va va fumako ka ditiko diya da txidema.

Luka 13:24

Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Vaefesu 6:18

Mahani totshelele tiya na mi txi khongela, mi txi kombela kuvhunwa ngu Txizimu. Khongelani yotshe mbimo, nga ti Moya wu mi leletisako tona. Ngu konaho, zumbani mi di ti lulamisete, mi txi khongela mi si karali, mi txi kombelela vasawuleki votshe va Txizimu.

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Genesisi 30:8

Sekoko Rakeli a to khene: “Ni lwite ni mkomwangu, kulwa ka Txizimu, kambe se ni xute.” mwanana a mrayile ditina daku i Naftali.

1 Vakorinto 15:47

M'thu wo khata a nga wumbwa ngu mafu, mbwa mafu; m'thu wa wumbidi a ta ngu nzumani.

Vakolosa 4:12

Wa mi dingula Epafrasi, i ku mmweyo wanu, txithumi txa Kristu Jesu, txi lwako yotshe mbimo ngu nganu mikombeloni kwakwe, kasiku mi zumba mi di va kuhetiseka, mi di va kutsana amu ka kumaha totshe ti Txizimu txi ti randako.

Ndando ya Tindando 2:17

An'ze kuza ditxa, ni mitsudi yi mwalala, txirandwa txangu wuya; u fana ni txipene mwendo mbavala txitimwi ka mmango wa Bheteri.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Vakolosa 2:1

Ni dhunda ti to mi txi ziva yimbi yi ya hombe ngutu ni lwako ngu kota yanu ni va niya Laodhikheya ni votshe vava va si ni ziviko ngu khohe,

Varoma 15:30

Se na mi kombela, vanathu, ngu Mkoma wathu Jesu Kristu, ni lirando la Moya, ti to mi lwa kumweko ni nani ngu mikombelo yi mi yi yisako ka Txizimu, mi txi kombelela ani,

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Eksodha 14:27

Sekoko Mosi a to nawuluta dianza dakwe txitimwi ka linene, kutxani ka kona ni mixo, lona li to wuya ha wukhaloni ka lona. Vaegipta, mbimo yi va nga ti thava, va to tshangana ni mati. Mkoma a to bhwabhwamelisa Vaegipta hagari ka linene.

Genesisi 18:2

Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe

Genesisi 32:23

Jakobe a to va thangetisa ve tshawunyeta mlonga, e maha ti to ve tshawunyeta ni sotshe asi va nga ti naso.

Genesisi 32:25

Nga ti m'thu wule a nga wona ti to kha mxuli Jakobe ngu kupfinyana nayo, a to mpeka ha digunyunguni ka nyonga, se nyonga ya Jakobe yi to hambaneka mbimo yi a nga txi lwa nayo.

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

Dhaniyeli 10:8

Ni to sala nokha koko, ni wona txiwoniso txiya txa hombe, ni guma mtamo; ni kutshura kwangu ku to hunduka kumaha kutsivala, se kha na sala ni mtamo ni wa wudotho.