Genesisi 32:20 - Bhiblia Yo Sawuleka

²⁰ Mi na m'gela ku khanu: “Jakobe txithumi txako, ene apune wata msana kwathu.” Jakobe a ti khene: “Ni na mthuthisa ngu txiningo txi ni txi thangetisako; se ngu msana, ni na hoka ni txi ya ti kombisa kwakwe, mwendo a na ni amukela.”

Genesisi 32:20 Referans Kwoze

Mavingu 21:14

Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.

2 Timoti 2:25

U fanete kulaya kha kwati ava va kanetako, ngu kurinzela ti to Txizimu txi na va ninga mtamo wa kuhunduluka,

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Mavingu 16:14

Txiviti txa mfumeli txi fanana ni mtumi wa lifo, kambe m'thu wo txhariha a na mmalata.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Mavingu 6:35

Kha na mbi amukela txo kombela ngu txona divalelo, hambi ku txi tumela, hambi u txo engetela so mxava ngu sona.

1 Vafumeli 20:31

Sekoko sithumi sakwe si to kha sona: Hi khala ku tipfa taku vafumeli va nyumba ya ka Israyeli mba wumbilu; a hi ambaleni masaka siwununi ni tingoti tithamoni, hi huma hi tsula ka mfumeli wa ka Israyeli; ti nga nda maheka to e hulukisa wutomi wako.

1 Samuwele 6:5

Mahani koko, sifananiso sa sithunye sanu ni sifananiso sa makonzo anu, ale maxaselako ditiko, se mi dhumisa Txizimu txa ka Israyeli; mwendo Txizimu txi na hehukisa dianza da txona txitimwi kwanu, ni txitimwi ka txizimu txanu, ni txitimwi ka ditiko danu.

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Genesisi 32:19

Ene a to leletisa toneto ka wa wumbidi ni ka wa wuraru, ni ka votshe avale va nga ti tsimbila ngu msana ka mitxhambi a txi womba ka mmweyo ni mmweyo wawe, a txi khene: “Ngu tona tiya mi no womba ka Esawu, ngako mi txi manana nayo.”

Genesisi 32:21

Ngu tona eto, Jakobe a to thangetisa txiningo masoni, se e otela wusiku wule ha wugoveloni.

Mavingu 18:16

Txiningo txa m'thu txa mtulela nzila, ni ku mtshuketisa hafuhi ka vahombe.