Genesisi 32:13 - Bhiblia Yo Sawuleka

¹³ Jakobe a to otela wusiku wule ka wona wukhalowo, ka sotshe si a nga ti naso, a to sawula sokari, kasi kuya luva ngu sona ka mkomwakwe Esawu;

Genesisi 32:13 Referans Kwoze

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Mavingu 18:16

Txiningo txa m'thu txa mtulela nzila, ni ku mtshuketisa hafuhi ka vahombe.

Mavingu 21:14

Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.

Mavingu 19:6

Vo tala va dilela khohe ya dixonga da mfumeli, na kuve mmweyo ni mmweyo mngana wa wule a mningako txokari.

Mavingu 17:8

Txiningo dirigwi da lisima ka vale va txi amukelako; ni hayi ayako kona txi na m'vhuna.

Genesisi 43:26

Mbimo yi Josefa a nga wulela nyumbani, va to mninga siningo si va nga ti naso, se va to khizama hahatshi, masoni kwakwe.

1 Samuwele 25:27

se konkuwa a txiya txiningo txi txihumi txako txa txisikati txi tisako ka nyamne wangu; u na ninga vafana vale va londetako mikondo ya nyamne wangu.

1 Samuwele 25:8

Wotisa ka vafana vako va na kugela; sekoko vafana vava va na mane dikato masoni kwako, nguko hi tile ngu ditshiku da dinene; Ninga koko, ka sithumi sako ni ka mwanako Dhavhidha asi u no si mana manzani kwako.

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Genesisi 33:10

Sekoko Jakobe a ti khene: “Ahim-him, ani na ku kombela! Ngako ni nga mana kuamukeleka masoni kwako, amukela txiningo txa manzani kwangu. Nguko ni woni khohe yako, nga ni to wona khohe ya Txizimu, se awe u ni amukete ngu kuthutha.

Genesisi 18:2

Se a to gula maso, e wona majaha mararu ma di emile, hafuhi kwakwe, neti a nga va wona, a to khukha ha txikeni ka ditenda dakwe e va hingeta, se a to ti wisa hahatshi masoni kwawe

Genesisi 32:14

200 wa tiphongo, ni magumi mambidi a vamabhongwe, 200 wa tinvuta, ni magumi mambidi a tihamba;

Genesisi 33:8

Esawu a to wotisa ka Jakobe, a txi khene: “U lava kumaha txani ngu yotshe mitxhambi yi ni nga yi mana hanzila kani?” Jakobe a xamute, a txi khene: “Ani ni lava ku ni txi mana wuxinji kwako awe mkomwangu.”

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Genesisi 15:5

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Nehemiya 4:13

Se ni to veka vawoneleli ka makhalo a hahatshi, ngu msana ka diguma ni ka makhalo o guleka; se ni to veka vathu ngu mimwaya yawe, ni matxhari awe, ni tingove tawe, ni malaho awe.