Genesisi 32:11 - Bhiblia Yo Sawuleka

¹¹ Na ku kombela, ni lamulele manzani ka mkomwangu Esawu, nguko na m'thava, ati to a nga thuka a txi ta e ta hi daya, ani ni vamame, ni vanana.

Genesisi 32:11 Referans Kwoze

Mavingu 18:19

Ta karata kuboxisa mwananu a di henyisilwe, kupinda kuxula didhoropa do tsana; ni mazunga ma fana ni matimba a tisimbi nyumbani ka wukoma.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Hoseya 10:14

Ngu toneto, hagari ka vathu vako ku na wuka dizunga da hombe, se yotshe mikhokhola yako mi na hoxotwa, ku nga Salimani a nga hoxota Bheti-Arbheli ngu ditshiku da yimbi; mame ahale a phatuletwe ni vanana vakwe.

Dhaniyeli 3:17

Wona taku Txizimu txathu, a txi athu hi txi thumelako, ngu txona txi no hi hulukisa; txona txi na hi hulukisa txikhoni ka mndilo wu wu turako ngutu, ni manzani kwako, awe mfumeli.

Masalmo 142:6

“Engisa kudila kwangu, nguko se ni gumile mtamo; ni hulukise ka vale va ni xanisako, nguko va na ni mtamo kupinda ani.

Masalmo 119:134

Ni hulukise mu ka kuxuphwa ngu vathu, kasiku ni na xayisa sileleto sako.

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Masalmo 31:2

Ni engise ta tinene u txi kuluveta ku ni hulukisa. Awe maha dirigwi dangu da wuvhikeli; awe maha mkhokhola wangu wa wuthavelo ni kuhanyisa!

Masalmo 25:20

Ni lwele u txi ni hulukisa. Ani ni themba awe, u nga ni leke ni txi wiswa tingana.

Masalmo 16:1

Ni vekete, awe Txizimu, nguko ni thavela kwako.

1 Samuwele 24:15

Kambe Mkoma a na va mlamuli, a na lamula hagari kwangu ni nawe, a na ni wona, e xolisisa mhaka yangu, se a na ni hulukisa manzani kwako.

1 Samuwele 12:10

Se va to dila ka Mkoma va txi kha vona: “Hi onhile, nguko hi lekile Mkoma, se hi ya thumela va ka bhahali ni va astarote; konkuwa koko, hi txhatxhise manzani ka valala vathu, hi na kuthumela.”

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Dhewuteronome 22:6

Ngako u txi thuka u mana txisaka txa txinyana txokari ha nzilani kwako, txi di txitimwi mndongani mwendo hahatshi, txi di ni mavhondo mwendo manda, ni kungako mame wa kona a di konaho ni mavhondo mwendo manda, u nga teke mame wa kona ni mavhondo akwe;

Genesisi 27:42

Mbimo yile Rebheka a nga geletelwa mapswi a Esawu, mwanana wakwe wa matiwula, ene a to dhana Jakobe mwanana wakwe wa mnanda, a txi m'gela tiya: Esawu, mkomwako a lava kuphota kwako, a lava ku kudaya.

Genesisi 32:3

Jakobe a to ruma mitumi yakwe, e yi thangetisa masoni kwakwe, yi txi ya ka mwanawe Esawu, ditikoni ka Seyiri, ditikoni ka Edhomi.

Genesisi 32:7

Sekoko Jakobe a to tala ngu kuthava ni kukarateka. Ti di ngeto, a to abanisa vathu va a nga ti navo, tinvuta ni tihomu, ni makamelu ku txi maneka mitxawa yimbidi.

Genesisi 33:4

Sekoko Esawu a to tutuma e hingeta mnanda wakwe Jakobe, a to mñola, e mkhutarela, a txi mpswopswa, va txi dila ngu wumbidi wawe.

Genesisi 24:27

a txi khene: “A na dhumiswe Mkoma, Txizimu txa Abrahamu, nyamne wangu, nguko ene Mkoma kha leka kukomba wunene wakwe ni kuthembeka kwakwe ka nyamne wangu, a txi ni heleketa ngu nzila yo lulama m'tini ka maxaka a nyamne wangu.”

2 Samuwele 7:18

Sekoko mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu, ni ku ngu yihi nyumba yangu, aha koza u ni tisa hawa kani?