Genesisi 32:10 - Bhiblia Yo Sawuleka

¹⁰ Ani kha ni nga ni fanelo yo mahelwa wotshe wuxinji, ni wotshe wunene awu u nga va nawo kwangu, ani txithumi txako. Ani ni ti kova ni mtxheketelo dwe, mbimo yi ni nga txhatuka mnambo wuwa wa Jordhani, se konkuwa ni na ni mitxawa yimbidi.

Genesisi 32:10 Referans Kwoze

Masalmo 18:35

Mkoma, awe wa ni ninga txitxhavangu txako txa ku ni vhikela, wa ni setela ngu dianza dako da txinene ni wunene wako wu ni ningile kuzumbiseka.

Genesisi 24:27

a txi khene: “A na dhumiswe Mkoma, Txizimu txa Abrahamu, nyamne wangu, nguko ene Mkoma kha leka kukomba wunene wakwe ni kuthembeka kwakwe ka nyamne wangu, a txi ni heleketa ngu nzila yo lulama m'tini ka maxaka a nyamne wangu.”

2 Samuwele 7:18

Sekoko mfumeli Dhavhidha a to wulela a txi ema masoni ka Mkoma, a txi khene: No va mani ani, Mkoma Txizimu, ni ku ngu yihi nyumba yangu, aha koza u ni tisa hawa kani?

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

2 Vakorinto 12:11

Ni ti mahile diphuphulu! Anu nganu mi nga ni kurumeta kumaha eto. Anu nganu mi nga ti fanete ku ni dhumisa. Nguko, kuwalo ni txilo txa tximwetxo va nga ni pala ngu txona “Vapostolivo vawe va hombe.”

Luka 17:10

Ngu toneto, nanu, msana ka kuva mi di hetile kumaha totshe tifanelo tanu, wombani ku khanu: ‘Hi sithumi so mbi vhuna txilo, hi mahile tiya hi nga ti ni fanelo ya ku ti maha dwe.’ ”

Luka 5:8

Simoni a di woni tiya, a to ti wisa minengeni ka Jesu, a txi khene: “Mkoma, khukha hawa kwangu, nguko ani ni muonhi!”

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Masalmo 85:10

Lirando ni ditshuri si na manana; kululama ni kudikha si na pswopswana.

Masalmo 84:7

Vona va tsimbila na mtamo wu txi engetelwa ditshiku ni ditshiku kala veya ti kombisa Siyoni masoni ka Txizimu.

Masalmo 61:7

Ene a na va masoni ka Txizimu kala kupinduka. Lirando lako ni kululama si na mxayise.

Masalmo 16:2

Ni wombile ka Mkoma ni txi khani: Awe ngawe Mkoma wangu, hahanze kwako kuwalo tximwani txi ni tsakisako.

Masalmo 8:5

Hambi ti di halo, u mmahile a txi nga ova Txizimu u mningile m'bhoti wa wudhumo ni lisima.

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

Jobe 8:7

Makhato ako ngu ditshuri ma nave madotho, aniko zumbelo yako yo gwitisa yi na anda kala titshokani.

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Genesisi 32:7

Sekoko Jakobe a to tala ngu kuthava ni kukarateka. Ti di ngeto, a to abanisa vathu va a nga ti navo, tinvuta ni tihomu, ni makamelu ku txi maneka mitxawa yimbidi.

Genesisi 32:5

Ni ti ya mana tihomu ni timbongola, tinvuta ni sithumi sa vavamna ni sa vavasikati. Ni rumela mhaka yiya ku ta bika kwako mkomwangu Esawu, kasiku ni txi mana wumbilu masoni kwako.”

Genesisi 30:43

Ngu mhaka yeto, Jakobe a to maha nyatithombe wa hombe ngutu, a txi va ni mitxhambi yo tala, ni sithumi sa txisikati ni sa txiwamna, ni makamelu ni timbongola.

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Genesisi 18:27

Abrahamu a wombile kambe, a txi khene: “Ani na tsana ni txi womba kambe ka Mkoma wangu, ani ni ku lithulu ni dikhuma.

2 Samuwele 17:24

Se Dhavhidha a to ta Mahanayime; kambe Abhisalome a to txhatuka Jordhani ni votshe vavamna va ka Israyeli vale a nga ti ti navo.

Genesisi 24:12

Eyo ene a to kombela, a txi khene: “Mkoma, Txizimu txa nyamne wangu Abrahamu, na ku kombela taku u txi ni vhune nyamsi, u txi mmahela wumbilu nyamne wangu Abrahamu.”

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Genesisi 31:3

Mkoma Txizimu a wombile ka Jakobe, a txi khene: “Tshumela u txi tsula ditikoni ka vatate vako, mwani kwanu, ani ni na va ni nawe.”