Genesisi 31:7 - Bhiblia Yo Sawuleka

⁷ Tate wanu a ni kanganyisile e txitxa muholo wangu digumi da sikhati, aniko Txizimu kha txa mtumetisa ti to e ni mahela kubiha.

Genesisi 31:7 Referans Kwoze

Genesisi 31:41

Ni thumile magumi mambidi a malembe m'tini kwako. Ni kuthumete digumi da malembe ni mune ngu mhaka ya vanana vako va vambidi, ni mtxhanu wa malembe ni dimwedo ngu mhaka ya mtxhambi wako, kambe digumi da sikhati awe u txitxile muholo wangu.

Genesisi 31:29

Ani ni ni mtamo wa ku kutsayisa, aniko Txizimu txa tate wako, ka wona wusiku wu wu nga pinda, txi ni gete tiya: “Ti wonele, u nga wombe txilo ka Jakobe, hambi txo biha, hambi txa txinene.”

Zakariya 8:23

A womba tiya Mkoma wa Mabutho a Tiyimbi: Ka ditshiku donedo, ku na maheka taku, digumi da vavamna, va totshe tidimi ta matiko, ve ñola ha ka mrungo wa txyambalo txa M'judha, va txi kha vona: Hi na tsula ni nanu, nguko ha tolovela kupfa taku, Txizimu txi ni nanu.

Masalmo 37:28

Mkoma a randa kululama ene kha leki vathu va va mthembako. Ene wa va vhikela yotshe mbimo, aniko liveleko la vabihi li na fuviswa.

Nehemiya 4:12

Se ku to maheka taku, va di tile Vajudha vale va nga ti zumba hagari kwawe, va tota hi zivisa digumi da sikhati, va txi ta kha vona, va nata hi wukela ngu ka otshe makhalo.

Mitengo 14:22

Kambe votshe vathu ava va nga wona kuphatima kwangu, ni sixamaliso si ni nga si maha kona Egipta, ni mu txiwulani, va nga ni duka digumi da sikhati; kambe vathu vava kha va engisi dipswi dangu,

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Isaya 4:1

Se mtxhanu wa vavasikati ni vambidi, ka dona ditshiku dile, va na ti ñolela wamwamna mmweyo, va txi kha vona: Athu hi nadya sakudya sathu ni kuambala syambalo sathu; ho lava dwe ti to hi dhanwa ngu ditina dako; hi thavise tingana tathu.

Jobe 19:3

Se mi ni ruketete digumi da makhati; kha mi nga ni tingana ku mi ni wukelako.

Jobe 1:10

Ina awe khwa mranganyeta ngu tithomba, ni nyumba yakwe, ni sotshe sile a ku naso kani? U katekisile mithumo ya manza akwe, wufuyi wakwe wa anda ha mafuni.

Levhi 26:26

Hahanze ka toneto, ni na mi tekela sakudya sanu; ati to digumi da vavasikati va txi mi bhikela sakudya sanu amu ka khadi yimweyo, va txi mi phamela sakudya sanu ngu ku mi pimela; ahale ko mi na dya, aniko kha mi na mbi khura.

Genesisi 20:6

Txizimu txi to mxamula ngu mloro, txi txi kha txona: “Ani na tiziva kha kwati taku, eto u ti mahile ngu mbilu ya yinene; aniko ngani ni nga maha ti to u si ni onheli, ni si kutumetisi kum'gwesa.

Jobe 19:8

Txizimu txi kete maphala ka nzila yangu, se kha ni na kupinda; amu ka tisoko tangu txi vekile txidema.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Genesisi 29:25

Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”

Genesisi 30:28

A txi khene kambe: Ni gele hakhelo ya kona, ni na kudihela.”

Genesisi 31:24

Txizimu txi to endela Labhani, muaramu ngu mloro wa wusiku, txi txi m'gela tiya: “Ti wonele, u nga thuke u txi womba txilo ka Jakobe, mwendo txo biha, mwendo txa txinene.”

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.