Genesisi 31:42 - Bhiblia Yo Sawuleka

⁴² I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

Genesisi 31:42 Referans Kwoze

Masalmo 31:7

Ani ni na tsaka ni txi giya ngu lirando lako. Awe u woni kuxaniseka kwangu, u txi ziva ni kupandiseka kwangu;

Genesisi 31:29

Ani ni ni mtamo wa ku kutsayisa, aniko Txizimu txa tate wako, ka wona wusiku wu wu nga pinda, txi ni gete tiya: “Ti wonele, u nga wombe txilo ka Jakobe, hambi txo biha, hambi txa txinene.”

Genesisi 31:53

Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.

Genesisi 29:32

Leya a to mana txirumbu e veleka mwanana wa mfana, awu a nga mraya ditina daku i Rubheni, nguko, ene a wombile ku khene: “Txizimu txi woni kupandiseka kwangu. Konkuwa, mwamna wangu a na ni randa.”

Isaya 8:13

Sawulekisani Mkoma wa Mabutho a Tiyimbi, nguko ngene msawuleki wanu; ngene a thisako kwanu, ngene a dhukisako kwanu.

Genesisi 31:24

Txizimu txi to endela Labhani, muaramu ngu mloro wa wusiku, txi txi m'gela tiya: “Ti wonele, u nga thuke u txi womba txilo ka Jakobe, mwendo txo biha, mwendo txa txinene.”

Judha 1:9

Kambe ngelozi ya hombe Migeli, mbimo yi a nga txi kanetisana ni Sathani ngu mhaka ya txirumbi txa Mosi, kha tsana kuwomba dipswi da kumruka, aniko a to gwitela kuwomba, a txi khene: “Mkoma a na ku kawuke!”

1 Makronika 12:17

Se Dhavhidha a to huma eya womba-womba navo, a txi khene: Ngako anu mi txi ta kwangu ngu kudikha ku ta ni vhuna, mbilu yangu yi na ti pata ni nanu; kambe ngako mi txi lava ku ta ni ningela ka valala vangu, ni sa onha txilo ngu manza angu, Txizimu txa vatate vathu txi na ti wone, txi lamula.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Genesisi 31:12

Ngelozi yi txi kha yona: “Gula maso ako konkuwa u wona taku, votshe vamabhongwe va landelako mikati mba matshakatshaka, mba sidokhodokho, ni sibawa, nguko ani ni woni totshe ti Labhani a nga ti maha kwako.

Genesisi 31:5

a to ta va gela tiya: “Ni wona ti to tate wanu khaswi a txi ni tsakela kufana ni kale, aniko Txizimu txa tate wangu txi ni nani.”

Genesisi 27:33

Sekoko Isaake a to dhudhumela ngu kuhenya ka hombe ngutu, a txi khene: “I mani koko wule a nga xota nyama a txi ta ni ninga kani? Ani ni dyite sotshe na u sanzi kubwaka, se ni mkatekisile, kambe a na va a di katekile.”

Genesisi 16:13

Se Hagari a to raya Mkoma wule a nga ti womba-womba nayo, ditina do khene: “Awe u Txizimu txo wonwa,” nguko u ti khawe: “Ina kha na wona Txizimu txi txi ni wonako kani?”

Genesisi 16:11

Ngelozi ya Mkoma, yi to kha yona kambe kwakwe: “U ni txirumbu, se u na veleka mwanana wa mfana, u mraya ditina daku i Ismayeli, nguko Mkoma a engisile kuxupheka kwako.

Genesisi 11:5

Sekoko Mkoma, ngu konaho, a to relela, kasi kuya wona didhoropa ni txitezi txi vanana va vathu va nga ti aka.

Genesisi 32:9

Jakobe a to khene kambe: Txizimu txa tate wangu Abrahamu, Txizimu txa tate wangu Isaake, awe Mkoma, u nga ni gela u txi khawe: “Tshumela u tsula ditikoni kwanu, amu u nga velekelwa kona, ni na kuxayisa ta tinene.”

Genesisi 35:3

Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.

Genesisi 46:1

Israyeli a to khukha ni sotshe si a nga ti naso. Ngako a di hokile Bherisebha, a to phaxa mhamba ka Txizimu txa Isaake tate wakwe.

Dhaniyeli 2:23

Awe Txizimu txa vatate vangu, na kudhumisa ni ku kubonga, nguko u ni ningile wutxhari ni mtamo; kambe konkuwa, u ni zivisile a ti hi nga kukombelo, ngu ku hi maha hi ziva mhaka yiya ya mfumeli.

Dhewuteronome 15:13

Aniko, ngako u txi mleka e tsula, u nga mleke e tsula asi nga ni txilo manzani kwakwe.