Genesisi 31:41 - Bhiblia Yo Sawuleka

⁴¹ Ni thumile magumi mambidi a malembe m'tini kwako. Ni kuthumete digumi da malembe ni mune ngu mhaka ya vanana vako va vambidi, ni mtxhanu wa malembe ni dimwedo ngu mhaka ya mtxhambi wako, kambe digumi da sikhati awe u txitxile muholo wangu.

Genesisi 31:41 Referans Kwoze

Genesisi 31:7

Tate wanu a ni kanganyisile e txitxa muholo wangu digumi da sikhati, aniko Txizimu kha txa mtumetisa ti to e ni mahela kubiha.

2 Vakorinto 11:26

Ni mahile mapfhumba o tala. Ni manwi ngu tiphango ta tingi ta minambo, ni tiphango ta sigevenga, tiphango ta kumahwa ngu va ka kwathu, ni tiphango ta kuta ngu ka vamatiko, tiphango ta didhoropani, tiphango ta txiwulani, tiphango ta lineneni, tiphango ta kuvangwa ngu vanathu va makuhu.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Genesisi 31:38

Nguko ni zumbile ni nawe mndani ka magumi mambidi a malembe, kambe tinvuta tako ni tiphongo tako kha ta txhisa, hambi ani kha na dya sinvutana sa mtxhambi wako.

Genesisi 27:44

zumba nayo masiku okari, kala kuza ku txi pinda kuhenya ka mkomwako,

Genesisi 29:15

Se Labhani a to womba ka Jakobe, a txi khene: “Ina aku u ku dixaka, u nga ni thumela walo kani? Ni gele muholo wu u wu lavako.”

Genesisi 30:28

A txi khene kambe: Ni gele hakhelo ya kona, ni na kudihela.”

Genesisi 31:40

Ni mitshikari ni ti ti hiswa ngu lisani, ni wusiku ni ti ti pekwa ngu pheho, ni wukohe ni si wu mani.

Genesisi 32:4

A to va leleta, a txi khene: “Mi na ya womba ka Esawu, mkomwangu, mi txi khanu: Txithumi txako Jakobe, a womba tiya: Ni zumbile m'tini ka Labhani kota muwuyi, kala kuwa.

Genesisi 31:6

Anu ma tiziva ti to ni mthumete tate wanu ngu wotshe mtamo wangu.