Genesisi 31:37 - Bhiblia Yo Sawuleka

³⁷ U guluwutile ka sotshe simaha sangu. Ina u mani tximaha txokari txa nyumbani kwako, kani? Txi veke kona hawa, masoni ka vanathu ni masoni ka vananu, ti to vona va na hi lamula athu va vambidi.

Genesisi 31:37 Referans Kwoze

1 Pedro 3:16

Mi fanete kumaha tiya ngu mbilu ya kululama, kasiku, hambi ka tile va wombako kubiha ngu nganu, ve thelwa tingana, avale va wombako kubiha ngu dihanyo danu ka Kristu.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Vahebheru 13:18

Hi kombeleleni, nguko ha themba ti to hi ni livhalo la linene, na hi txi navela ngu yotshe mbilu kutsimbila ngu nzila ya yinene yotshe mbimo.

1 Vatesalonika 2:10

Anu mi tifakazi tathu, ni Txizimu ni txona, ka ti to mahanyelo athu ni nanu mi kholwako i ti mahanyelo o sawuleka, o lulama, ni o mbina txisolo.

Matewu 18:16

Aniko ngako asi kuengisi, teka mmwani m'thu, mwendo vambidi u txi tsula navo, kasiku yotshe mhaka yi txi lamulwa ngu wufakazi wa vathu vambidi mwendo vararu.

Joxuwa 7:23

Va to ya si teka koko simaha sile hagari ka ditenda, va txi si tisa ka Joxuwa, ni ka votshe vanana va ka Israyeli, va txi ta si thela masoni ka Mkoma.

Genesisi 31:32

Kasi awule u no mmana a di ni sizimu sako, kha na mbi hanya. Kona hawa masoni ka vanathu, wonisisa atxi txi kulumbako, na txi di ni nani, txi teke.” Kha ditshuri Jakobe a ti si ti zivi ti to Rakeli a pite sizimu sa tate wakwe.

Genesisi 31:36

Sekoko Jakobe a to henya e phikizana ni Labani. Se a to womba Jakobe ka Labhani, a txi khene: “Ngu wuhi mnandu wangu, ngu txihi txionho txangu, eko u zako u txi ni londeta, kani?

Genesisi 31:38

Nguko ni zumbile ni nawe mndani ka magumi mambidi a malembe, kambe tinvuta tako ni tiphongo tako kha ta txhisa, hambi ani kha na dya sinvutana sa mtxhambi wako.