Genesisi 31:32 - Bhiblia Yo Sawuleka

³² Kasi awule u no mmana a di ni sizimu sako, kha na mbi hanya. Kona hawa masoni ka vanathu, wonisisa atxi txi kulumbako, na txi di ni nani, txi teke.” Kha ditshuri Jakobe a ti si ti zivi ti to Rakeli a pite sizimu sa tate wakwe.

Genesisi 31:32 Referans Kwoze

Genesisi 31:30

“Konkuwa, wa tsula, nguko i kale u txi xuva kutsula m'tini ka tate wako: Kambe ngu kutxani u txi pa sizimu sangu, kani?”

Genesisi 31:23

Sekoko ene a to teka vanawe, e mlondeta amu ka mtxhanu wa masiku ni mambidi a kutsimbila, eya mmanela mmangoni ka Galahadhi.

Genesisi 31:19

Ngako Labhani a nga ti tsute kuya kaya tinvuta takwe, Rakeli a to sala e pa sithombe si si nga ti lumba tate wakwe.

Genesisi 30:33

“Mangwana wa kutxa, mbimo yi u nota u ta wona asi u nga ni dihela ngu sona, kuthembeka kwangu ku na tikomba: Txihari txi txi no va i si nga txa mindenda mwendo matshakatshaka, hagari ka tiphongo, ni txile txi no va i si nga txa mindenda hagari ka tinvuta, m'tini kwangu, eso si na mangala ti to nza kupiwa.”

Genesisi 19:7

a txi va gela ku khene: “Na mi kombela, vanathu, mi nga maheni kubiha ko ngeto!

Genesisi 13:8

Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

Genesisi 31:31

Sekoko Jakobe a to xamula ka Labhani, a txi khene: “Ani ni ti ko thava ti to u nga ni tekela vanana vako.

Genesisi 31:33

Sekoko Labhani a to ya lava ditendani ka Jakobe, ngu msana eya lava ditendani ka Leya, ni matendani ka sithumi simbidi, aniko kha mana txilo. Ene a to huma ngu ditendani ka Leya, eya wulela ditendani ka Rakeli.