Genesisi 31:26 - Bhiblia Yo Sawuleka

²⁶ Sekoko Labhani a to womba ka Jakobe a txi khene: “Njitxani u nga maha ngu ku ni kanganyisa, u txi teka vanana vangu va mahorona nga tikhumbi ta ku ti mana yimbini, kani?”

Genesisi 31:26 Referans Kwoze

1 Samuwele 30:2

Se va to teka vavasikati vale va nga ti ka dona, ve va maha tikhumbi, kambe kha va daya m'thu ni wammweyo, hambi wam'dotho mwendo wa hombe; va to va teka dwe ve tsula navo.

1 Samuwele 17:29

Sekoko Dhavhidha a to khene: Ni to maha txani ani koko, kani? Ina kha ni faneli ku wotisa txilo kani?

1 Samuwele 14:43

Sekoko Sawule a to khene ka Jonatani: Ni gele ti wu nga maha. Se Jonatani a to m'gela a txi khene: Ni to danzanyana wulombe wa wudotho ngu tshoka ya donga yi ni nga ti nayo manzani; se ni fanela kufa kani?

Joxuwa 7:19

Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Genesisi 34:29

Va to handa tithomba tawe totshe, ni vasikati vawe, ve handa ni sotshe si si nga ti tinyumbani kwakwe.

Genesisi 31:36

Sekoko Jakobe a to henya e phikizana ni Labani. Se a to womba Jakobe ka Labhani, a txi khene: “Ngu wuhi mnandu wangu, ngu txihi txionho txangu, eko u zako u txi ni londeta, kani?

Genesisi 31:16

Nguko, yotshe thomba yi Txizimu txi nga yi thavisa ka tate wathu, njathu ni vanana vathu. Ngu mhaka yeto, awe maha totshe ti Txizimu txi nga kugela.”

Genesisi 26:10

Abhimeleki a to engeta, a txi khene: “U hi mahete txani toneto kani? Kudotho nga m'thu wokari wa ka kwathu a di otete ni msikati wako, se konaho u ndi nava u di hi wuyisete mnandu.”

Genesisi 12:18

Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

Genesisi 4:10

Se Txizimu txi to kha txona: “Njitxani u nga maha kani? Dipswi da mnoha wa mwananu, da pfala ha mafuni, kala tinzeveni kwangu.

Genesisi 3:13

Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Genesisi 2:24

Ngu mhaka yeto, wamwamna a na leka tate wakwe ni mame wakwe, eya ti patanisa ka msikati wakwe; vona va na va i di nyama yimmweyo.

Johani 18:35

Pilato a to xamula, a txi khene: “No va ni di Mujudha ani kani? Ditiko dako ni vaphaxeli va hombe ngu vona va nga kuningela manzani kwangu. Nji txani u nga maha kani?”

Genesisi 31:25

Labhani a to hoka hafuhi ka Jakobe, mmangoni ka Galahadhi, ahawa a nga ti gwimbile kona ditenda dakwe Labhani, ni va ka kwawe, a to gwimba ditenda dakwe nene kona mmangoni ka Galahadhi.

Genesisi 31:27

Ngu kutxani u txi maha ngu kupfhuka, u txi ni kanganyisa, u si ni zivisi, kasiku hi salisana ngu litsako, hi txi embelela tindando, ni kupeka tingoma, ni kuveta sitende, kani?

Genesisi 29:25

Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”