Genesisi 31:24 - Bhiblia Yo Sawuleka

²⁴ Txizimu txi to endela Labhani, muaramu ngu mloro wa wusiku, txi txi m'gela tiya: “Ti wonele, u nga thuke u txi womba txilo ka Jakobe, mwendo txo biha, mwendo txa txinene.”

Genesisi 31:24 Referans Kwoze

Genesisi 24:50

Sekoko Labhani ni Bhetuweli va to xamula, va txi kha vona: “Dipswi diya di ta ngu ka Mkoma, kha hi sikoti kuangula dimwani dipswi kwako, hahanze ka tile ene a ti tsakelako.

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Genesisi 31:29

Ani ni ni mtamo wa ku kutsayisa, aniko Txizimu txa tate wako, ka wona wusiku wu wu nga pinda, txi ni gete tiya: “Ti wonele, u nga wombe txilo ka Jakobe, hambi txo biha, hambi txa txinene.”

Mitengo 24:13

Hambi i diku Bhalake o ni ninga nyumba yakwe yi di tate ngu silivhela ni nzalama, kha ni na kuhambunyeta Mlayo wa Mkoma, ni ti mahela mbiluni kwangu ta tinene mwendo to biha; ati Mkoma a no ni gela, ngu tona eto ni no womba tona.

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”

2 Samuwele 13:22

Kambe Abhisalome kha womba txilo txo biha hambi txo tshura ka Aminoni; nguko Abhisalome, a to vengela Aminoni ngu kule a nga kurumeta Tamara, ndiyakwe.

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Hoseya 12:12

Jakobe a tutumete tithembweni ka Asiriya, se Israyeli a thumile ngu mhaka ya wamsikati, a xayisile sifuyo ngu mhaka ya wamsikati.

Isaya 37:29

Ngu mhaka ya ku ni henyela kwako, niku kutithemba kwako ku pfate tinzeveni kwangu, wona taku, ni na vekela tximemba txangu thonvuni kwako, ni matomu angu txisofuni kwako, ni kutshumeta ngu nzila yi u ngata ngu yona.

Jobe 33:25

Nyama yakwe yi na nakana nga ya limenzani, kambe yi nga ya masiku a wuphya wakwe.

1 Vafumeli 3:5

Kona Gibheyoni, Mkoma a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Mitengo 22:26

Ngelozi ya Mkoma yi to txitxa wukhalo yi txi ya ema ha ka wukhalo wo songa, aha ku nga si nga ni wukhalo wo pinda ngu didhawa da txinene mwendo da txibhabha.

Mitengo 22:20

Se Txizimu txi tota koko ka Bhalahamu ni wusiku, txi txi ta kha txona kwakwe: “A ku vathu vava va tako ku ta kudhana, khukha u tsula navo, kambe awe u na ya maha ati ni no kugela tona.”

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Genesisi 41:1

Se msana ka malembe mambidi, Faro a to lora mloro, e lora a di emile mabambe ka mnambo wa Nilo.

Genesisi 40:5

Sekoko, ka wusiku wawumwewo, mtheleli wa so sela, ni m'bhiki wa mapawu a mfumeli wa Egipta, avale va nga ti seketwe mkorani, mmweyo ni mmweyo wawe a to lora mloro wakwe, wu ku ni txhamuselo ya wona yo hambana.

Genesisi 31:10

Ditshiku dokari, da mbimo yi sihari si landelanako, ni lorile, ni txi gula maso, ni wona ti to vamatune va va nga ti landela mikati i ti va misesasesa, ni va matshakatshaka ni va mavalavati.

Genesisi 28:5

Isaake a to salisana ni Jakobe, se Jakobe a to teka nzila ya kuya Padhani-Aramu, m'tini ka Labhani, mwana Bhetuweli, muaramu, ndiya ya Rebheka, mame wa Jakobe ni Esawu.

Matewu 2:12

Ngako va di zivisilwe ngu mu ka miloro, ti to va si pindi ngu ka Herodha, va to tshumela ngu yimwani nzila ve tsula ditikoni kwawe.

Genesisi 20:6

Txizimu txi to mxamula ngu mloro, txi txi kha txona: “Ani na tiziva kha kwati taku, eto u ti mahile ngu mbilu ya yinene; aniko ngani ni nga maha ti to u si ni onheli, ni si kutumetisi kum'gwesa.

Genesisi 31:7

Tate wanu a ni kanganyisile e txitxa muholo wangu digumi da sikhati, aniko Txizimu kha txa mtumetisa ti to e ni mahela kubiha.

Genesisi 31:11

Ngelozi ya Txizimu yi ni gete ngu mloro yi txi kha yona: “Jakobe!” Se ani ni xamute ni txi khani: “Ni ho hawa!”

Genesisi 31:23

Sekoko ene a to teka vanawe, e mlondeta amu ka mtxhanu wa masiku ni mambidi a kutsimbila, eya mmanela mmangoni ka Galahadhi.

Genesisi 31:25

Labhani a to hoka hafuhi ka Jakobe, mmangoni ka Galahadhi, ahawa a nga ti gwimbile kona ditenda dakwe Labhani, ni va ka kwawe, a to gwimba ditenda dakwe nene kona mmangoni ka Galahadhi.