Genesisi 31:2 - Bhiblia Yo Sawuleka

² Ngu kuwona khohe ya Labhani, Jakobe a ti woni kambe ti to Labhani khaswi a txi mtsakela kufana ni kale.

Genesisi 31:2 Referans Kwoze

Dhaniyeli 3:19

Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Genesisi 4:5

aniko kha wona ngu kutsaka Kayini ni mningelo wakwe. Kayini a to henya ngutu, ni khohe yakwe yi to thuvika.

1 Samuwele 19:7

Se Jonatani a to dhana Dhavhidha, e mtxhamusela otshe mapswi awa, aniko Jonatani a to teka Dhavhidha e tsula nayo ka Sawule; kambe eya maneka kona kufana ni kale.

Genesisi 30:27

Sekoko Labhani a to mxamula a txi khene: “Ngako ni di mani mathomo masoni kwako, zumba ni nani. Ni zivisilwe ngu txiwoniso ti to Txizimu txi ni katekisile ngu mhaka yako.

Dhewuteronome 28:54

Hambi m'thu wo ti themba, awu i ku txivelekwa, hagari kwanu, a na wona ngu maso a kubonzolota mwanawe, ni msikati wule i ku txirandwa txakwe, ni vanana vakwe vale va nga sala va txi hanya;

Dhewuteronome 19:4

Se mhaka yi yi ningako m'dayi fanelo ya kulava wuthavelo kasi ku e hulukisa wutomi wakwe, ngu yiya. Awu a dayako muakelani wakwe ngu phango, na a sa thanga ngu ku m'venga.

Eksodha 4:10

Sekoko Mosi a to khene ka Mkoma: “Yowe! Mkoma! Ani kha ni nga m'thu wo womba-womba ta tinene, hambi nyamnova, hambi nyatulo, hambi nyamsi konkuwa u nga womba-womba ni txithumi txako; kha ni sikoti kuwombawomba ta tinene, nguko ni m'thu wa kukangamela ni txidimiti.”

Genesisi 31:1

Sekoko Jakobe a to engisa mapswi a vanana va Labhani va nga ti ti kha vona: “Jakobe a tekile sotshe si i nga ti sa tate wathu, wotshe wudhumo.”

Genesisi 31:3

Mkoma Txizimu a wombile ka Jakobe, a txi khene: “Tshumela u txi tsula ditikoni ka vatate vako, mwani kwanu, ani ni na va ni nawe.”

Genesisi 31:5

a to ta va gela tiya: “Ni wona ti to tate wanu khaswi a txi ni tsakela kufana ni kale, aniko Txizimu txa tate wangu txi ni nani.”