Genesisi 31:19 - Bhiblia Yo Sawuleka

¹⁹ Ngako Labhani a nga ti tsute kuya kaya tinvuta takwe, Rakeli a to sala e pa sithombe si si nga ti lumba tate wakwe.

Genesisi 31:19 Referans Kwoze

1 Samuwele 19:13

Se Mikali a to teka txithombe, e txi otelisa ka mbhedhu, a to sanzeka didhowo da phongo ha msungo ka txona, se e txi fenengeta ngu didhamba.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Genesisi 31:30

“Konkuwa, wa tsula, nguko i kale u txi xuva kutsula m'tini ka tate wako: Kambe ngu kutxani u txi pa sizimu sangu, kani?”

Ezekhiyele 21:21

Nguko mfumeli wa Bhabhilona a na ema mahandakanyani, ngu txitimwi ka tinzila timbidi kasi ku e hutetela; a na lota tingove takwe, a na xaxuva titerafime, a txi dhunga ni sa mndani.

Genesisi 35:2

Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

Genesisi 31:34

Nguko, Rakeli a ti tekile sithombe sa tate wakwe, e si fenengeta ngu txigabhata txa dikamelu, e khalahatsha txitimwi ka txona. Labhani a guluwutile ka otshe matenda kambe kha mana txilo.

Genesisi 31:32

Kasi awule u no mmana a di ni sizimu sako, kha na mbi hanya. Kona hawa masoni ka vanathu, wonisisa atxi txi kulumbako, na txi di ni nani, txi teke.” Kha ditshuri Jakobe a ti si ti zivi ti to Rakeli a pite sizimu sa tate wakwe.

Valamuli 18:31

Ngu kumaha keto, txithombe txile txo vatwa txile txo mahwa ngu Mika, va to ti emisela, ka otshe masiku ale Nyumba ya Txizimu yi nga txi maneka kona Silo.

Joxuwa 24:2

Konako Joxuwa a to womba ka vathu votshe, a txi khene: Mkoma, Txizimu txa ka Israyeli, a khene: Mtxhatuko ka Jordhani va zumbile kona vatate vanu, kukhatani, ene Tera, tate wa Abrahamu ni wa Nakori, se vona va to khozela simwani sizimu.

Genesisi 31:20

Jakobe a to kanganyisa Labhani Muaramu, a sikombi ti to a lava kuthava.

Genesisi 31:35

Rakeli a to womba ka tate wakwe, a txi khene: “U nga pandiseke tata, ngako ni si khukhi ni txi ema masoni kwako, no va ni tshiku ya ti tathu vavasikati.” Labhani a lavisisile kotshe, kambe kha si mana sithombe.

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

2 Vafumeli 23:24

Se vahuti ni vaxaxuvi, ni materafini ni sithungulu, ni otshe manyala ale ma nga ti ti woneka ditikoni ka Judha ni Jerusalema, a to si fuvisa, kasi kutsanisa mapswi a mlayo, ma nga ti ti bhatwe ka dibhuku dile mprofeti Hilikiya a ngadi mana Nyumbani ka Mkoma.

Genesisi 24:38

“Aniko tsula ka nyumba ya tate wangu, se koneyo u na ya tekela mwanana wangu msikati, wa lixaka la ka kwathu.”

Genesisi 38:13

Vathu va to gela Tamari va txi kha vona: “Masale wako wa tsula Timina kuya kaya tinvuta takwe.”

1 Samuwele 25:2

Kona Mawomi, ku ti ti ni wamwamna wokari, a nga ti ni tithomba takwe kona Karmeli; se wamwamna wuwa a ti ni mtamo ngutu, a ti ni 3.000 wa tinvuta ni 1.000 wa tiphongo, kambe a ti ti tsemeta tinvuta takwe kona Karmeli.

2 Samuwele 13:23

Se ku to maheka taku, ku di pindile malembe mambidi o tala, Abhisalome a ti ti ni vakayi kona Bhahali-Hazori, ku ku hafuhi ni Efrayime, kambe Abhisalome a to ramba votshe vanana va mfumeli.