Genesisi 31:18 - Bhiblia Yo Sawuleka

¹⁸ A txi gola wotshe mtxhambi wakwe wa sifuyo, ni sotshe simaha si si nga ti mlumba, wotshe mtxhambi wu i nga ti wakwe, awu a nga ya wu mana ditikoni ka Padhani-Aramu e tsula ka Isaake tate wakwe, ditikoni ka Kanana.

Genesisi 31:18 Referans Kwoze

Genesisi 28:21

ngako ni txi tshumelela m'tini ka tate wangu ni di mtomi, konaho Mkoma a na va i di Txizimu txangu;

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Genesisi 25:20

Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli, muaramu, wa Padhani-Aramu, ndiya ya Labhani, muaramu nene.

Genesisi 31:17

Sekoko konako Jakobe a to khukha, e gadhisa vanana vakwe ni vasikati vakwe, ha ka makamelu.

Genesisi 32:6

Mitumi yi to wuya ka Jakobe yi ta womba tiya: “Hi hokile ka mkomwako Esawu. Se nene wata, wa kuhingeta, ana ni 400 wa vavamna.”

Ekleziyaste 3:6

mbimo ya kulava, ni mbimo ya ku mwalalelwa; mbimo ya kuveka, ni mbimo ya kutshotsha;