Genesisi 31:12 - Bhiblia Yo Sawuleka

¹² Ngelozi yi txi kha yona: “Gula maso ako konkuwa u wona taku, votshe vamabhongwe va landelako mikati mba matshakatshaka, mba sidokhodokho, ni sibawa, nguko ani ni woni totshe ti Labhani a nga ti maha kwako.

Genesisi 31:12 Referans Kwoze

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Dhewuteronome 24:15

U na mninga hakhelo yakwe ka ditshiku donedo, di sanzi kuswa ditambo, nguko ene njisiwana, a themba yona hakeloyo: A nga dila ka Mkoma ngu mhaka yako, se awe u txi mana mnandu.

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

Vaefesu 6:9

Nananu vakoma, mahisani toneto kwawe, mi txi leka ku va dhusetela, ngu kuziva ti to Mkoma wu i ku wawe ni wanu i mmweyo a ku nzumani, ni ti to ene kha yi ngu khohe.

Mithumo 7:34

Ni woni kuxaniseka ka vathu vangu Egipta, ni kuketa kwawe ni ku pfite, se ni txhikile ku tela ku ta va hulukisa, se konkuwa ngono ni ta kuruma Egipta.’ ”

Ekleziyaste 5:8

Ngako u txi wona kuxaniswa ka sisiwana sa ditiko dokari da hombe, ni kulwiswa, ka wukhalo wa wulamuli ni wululamo, u nga xamale ngu mhaka yo nga eyo; nguko awule a ku txitimwi ngutu kupinda vale va ku txitimwi, wa khatala ngu tona; kambe ku ni vo guleka ngutu kupinda vona.

Masalmo 139:3

Wa ni wona mbimo yi ni tsimbilako ni mbimo yi ni humulako; wa tiziva totshe tinzila tangu.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Levhi 19:13

U nga xuphe mkwanu kambe u nga mpele sakwe; muholo wa mthumo wu a thumako u nga zumbe nawo manzani kwako, kala ditshiku da mangwana.

Eksodha 3:9

Konkuwa, huwa ya vanana va ka Israyeli yi hokile kwangu, se kambe ni wona sixaniso si Vaegipta va va xuphako ngu sona.

Genesisi 31:10

Ditshiku dokari, da mbimo yi sihari si landelanako, ni lorile, ni txi gula maso, ni wona ti to vamatune va va nga ti landela mikati i ti va misesasesa, ni va matshakatshaka ni va mavalavati.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.