Genesisi 30:33 - Bhiblia Yo Sawuleka

³³ “Mangwana wa kutxa, mbimo yi u nota u ta wona asi u nga ni dihela ngu sona, kuthembeka kwangu ku na tikomba: Txihari txi txi no va i si nga txa mindenda mwendo matshakatshaka, hagari ka tiphongo, ni txile txi no va i si nga txa mindenda hagari ka tinvuta, m'tini kwangu, eso si na mangala ti to nza kupiwa.”

Genesisi 30:33 Referans Kwoze

Isaya 59:12

Nguko sihambunyeto sathu si engetelani masoni kwako, ni sionho sathu sa hi wukela; nguko sihambunyeto sathu si ni nathu, kambe ha ziva wubihi wathu;

Masalmo 37:6

Ene a na wonekelisa kululama kwako ni fanelo yako kufana ni ditambo di woningako ni mitshikari.

2 Samuwele 22:21

Mkoma a ni hakete madingano ni kululama kwangu, madingano ni kusawuleka ka manza angu a ni tshumetete.

1 Samuwele 26:23

Kambe Mkoma a na tshumetela ka mmweyo ni mmweyo ngu kululama kwakwe ni kuthembeka kwakwe; nguko nyamsi koko Mkoma a ti ku ningete manzani kwangu, kambe kha lava kuguleta dianza dangu ni wukela wule a nga totwa wa Mkoma.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Genesisi 31:37

U guluwutile ka sotshe simaha sangu. Ina u mani tximaha txokari txa nyumbani kwako, kani? Txi veke kona hawa, masoni ka vanathu ni masoni ka vananu, ti to vona va na hi lamula athu va vambidi.

Genesisi 30:32

Nyamsi ni na tsimbila ngu ka yotshe mitxhambi, ni na thavisa ka yona sihari sotshe sa matshakatshaka ni midenda, hagari ka tinvuta, ni thavisa ati i ku ta mindenda, ni na thavisa ati i ku ta matshakatshaka ni mixowo, hagari ka tiphongo.

Genesisi 30:34

Sekoko Labhani a ti khene: “Ngu tona, ti na maheke nga kuwona kwako.”