Biblia Todo Logo
Bib sou entènèt

- Piblisite -




Genesisi 30:27 - Bhiblia Yo Sawuleka

27 Sekoko Labhani a to mxamula a txi khene: “Ngako ni di mani mathomo masoni kwako, zumba ni nani. Ni zivisilwe ngu txiwoniso ti to Txizimu txi ni katekisile ngu mhaka yako.

Gade chapit la Kopi




Genesisi 30:27
25 Referans Kwoze  

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.


Se liveleko lawe li na ziwa hagari ka matiko, ni tixaka tawe ti na ziwa hagari ka vathu, votshe vale va no va wona, va na tiziva ti to i mbewu yile yi nga katekiswa ngu Mkoma.


Se Rute a to khene ka Bhowazi: “Ni na mane kukateka masoni kwako, awe nyamne wangu, nguko u ni thavelete ni womba-womba mbiluni ka txithumi txako, hambiko ani ni singako mmweyo wa sithumi sako sa txisikati.”


Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”


Ni na maha ti to vathu vava ve mana kateko masoni ka Vaegipta; ngako mi txi huma, kha mi na mbi tsula mi si nga ni txilo.


Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”


Vona va xamute va txi kha vona: Awe u hi hanyisile! Hi na mane mathomo masoni kwako tata, hi zumba hi di sithumi sa Faro.


Se Esawu a ti khene: “Kona kuwa, ni na kusiyela majaha okari ka awa ni ku nawo!” Aniko Jakobe a xamute, a txi khene: “Kasi kutxani toneto, kani? Ani ni bonga kumana dithomo do amukelwa masoni ka nyamne wangu!”


Nguko asi sa sidotho u nga ti naso ni sinzi kuta, si engetetwe ngutu; ni Txizimu txi kukatekisile ngu mhaka yangu. Se konkuwa, ngu yihi mbimo ni no khata ngu yona kuthumela mwaya wangu kani?”


a txi khene: “Awe nyamne wangu, na ku kombela, ngako ni di mani kukateka masoni kwako, u nga pinde ngu ha m'tini ka txithumi txako, u sa nga ema.


Txizimu txi to maha ti to Dhaniyeli e mana dithomo ni wumbilu masoni ka mthangeli wa mithenwa.


Se Hadhadhe a to dhundeka ngutu masoni ka Faro; se a to mninga ndombe yakwe kumaha msikati wakwe, mkoma ni mnanda ni Tafinesi, mfumeli wa txisikati.


“Ti di ngeto, na ku kombela tito, u ni ninga lifo konkuwa, kasi ni si woni xomulo yiya.”


Sikemi a to womba ka tate ni ka tindiya ta Dhina, a txi khene: “Sizani mi txi ni tumelela, ni na mi ninga ni txihi mi no ni kombela!


Mkoma a womba tiya: Kufana ni kungako ku txi manwa dosi amu ka txizangwa txa mauvha, va kha vona: U nga txi xakele, nguko ku ni makatekwa ka txona, ni na mahisa toneto ngu kuranda sithumi sangu, kasi ku ni si va hoxoti votshe.


Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.


A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.


ni txi khani ka mfumeli: Ngako ti txi tsakisa mfumeli, ni kungako txithumi txako wu txi txi tumela masoni kwako, ni kombela ti to u ni rumela ka ditiko da Judha, ka didhoropa da mathitha a vatate vangu, kuva ni txi ya di aketa.


O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.


Sekoko Sawule a to rumela vathu veya gela Jese ku khene: Leka Dhavhidha e zumba ni nani, nguko a mani dikato masoni kwangu.


Se Mosi a to khene ka Mkoma: Ngu kutxani u mahela wubihi txithumi txako kani, ngu kutxani ni si maniko dikato masoni kwako, na u ti ni rwekile mrwalo wa votshe vava vathu kani?


“Mi pite digombe da nyamne wangu, adi a selako ngu dona ni kuhuta ngu dona, anu mi mahile tawalo ngutu!”


Se dibhokiso da Mkoma a to zumba nyumbani ka Obhedhi-Edhomi, mugeti, mitxima yiraru; se Mkoma a to katekisa Obhedhi-Edhomi ni yotshe nyumba yakwe.


Swiv nou:

Piblisite


Piblisite