Genesisi 30:24 - Bhiblia Yo Sawuleka

²⁴ Se a to mraya ditina daku i Josefa, a txi khene: “Mkoma a na ni ninge mmwani mwanana wa mfana!”

Genesisi 30:24 Referans Kwoze

Genesisi 35:24

Vanana va Rakeli ngu vava: Josefa ni Bhenjamini;

Mtuletelo 7:8

Va lihunzu la Zebhuloni i ti 12.000 wa vathu; va lihunzu la Josefa i ti 12.000 wa vathu; va lihunzu la Bhenjamini i ti 12.000 wa vathu va nga vekwa txikombiso.

Genesisi 37:2

Ngu tiya tiveleko ta Jakobe: Josefa a ti ni tanga ya digumi da malembe ni mtxhanu ni mambidi, ene a txi dyisa tinvuta ta tate wakwe, kumweko ni vanawe, vanana va Bhiliha ni Zilpa, vasikati va tate wakwe; Josefa a ti ti geletela tate wakwe timhaka to biha, ati vanawe va nga txi ti mahetela.

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Ezekhiyele 37:16

Awe koko mwanana wa m'thu, teka txipulangwana, u bhala ka txona, u txi khawe: Ngu Judha ni vanana va ka Israyeli, ni vangana vakwe. Se teka tximwani txipulangwana u bhala ka txona, u txi khawe: Ngu Josefa ndonga ya Efrayime, ni yotshe nyumba ya ka Israyeli, ni vangana vakwe.

Genesisi 37:4

Vanawe ngako va txi wona ti to tate wawe a randa ngutu Josefa, kupinda votshe vamwani vanawe, va to khata ku m'vengela ngutu, va si lavi ni kuwombawomba nayo ngu kuthutha.

Genesisi 30:25

Mbimo yi Rakeli a nga veleka Josefa, a to khene kha Jakobe ka Labani: “Ni tumelele ni txi tshumelela mwani kwathu, i ku ditikoni kwathu.