Genesisi 30:20 - Bhiblia Yo Sawuleka

²⁰ Se a nje khene kha Leya: “Txizimu txi ni ningile txihiwa txo tshura, konkuwa mwamna wangu a na ni ninga lisima, nguko ni m'velekete mtxhanu wa vanana ni mmweyo.” Se a to mraya ditina daku i Zebhuloni.

Genesisi 30:20 Referans Kwoze

Matewu 4:13

Se ngu msana, a txi khukha Nazareta, a to ya zumba Kapernawume, didhoropa di di ku hafuhi ni linene, ka ditiko da Zebhuloni ni Naftali,

Genesisi 49:13

Zebhuloni a na aka ha likasani ka linene, i ku txithoni ka sitimela sa mati, se muhingano wakwe wu na gwitela Sidhoni.

Genesisi 35:23

Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni.

Masalmo 68:27

Wonani! Masoni kuthangela Bhenjamini, wa lihunzu la lidotho; ngu msana, tinduna ta Judha kumweko ni vathu vawe, va londetelwako ngu tinduna ta Zebhuloni ni ta Naftali.

Valamuli 5:14

Nguko Efrayime a relete ka vaaki va Amaleki; se msana kwako, wata Bhenjamini a hagari ka vathu vako; manganakana ma relela ma txi ta ngu Makiri ni Zebhuloni, va pinda va di ñote ndonga ya mabhalani.

Valamuli 4:10

Sekoko Bharake a to ramba va ka Zebhuloni ni va ka Naftali, va txi ya Kedhesi, kumweko ni 10.000 wa vavamna; se Dhebhora a to tsula kumweko nayo.

Genesisi 46:14

Vanana va Zebhuloni: Seredhi, Eloni, Jayeleli.

Genesisi 30:15

Aniko Leya a mxamute a txi khene: “Ina u alakanya taku ndidotho aku u nga ni tekela mwamna kani? Sekoko u lava ku ni tekela kambe maranga a lirando a mwanana wangu kani?” Sekoko Rakeli a to khene: “Jakobe a na va ni nawe wusiku wuwa, kasi kudihela maranga a lirando a mwanako.”

Genesisi 29:34

A to engeta kambe e mana txirumbu txa wuraru, e veleka mmwani mwanana, a txi khene: “Konkuwa mwamna wangu a na namarela kwangu, nguko ni m'velekete mazambi mararu, ngu kumaha keto, a to mraya ditina daku i Levhi.”

Genesisi 30:19

Sekoko Leya a to mana txirumbu kambe, e velekela mwanana Jakobe, wa wutxhanu ni mmweyo, wa mfana.

Genesisi 30:21

Msana keto, a to veleka mwanana wa dihorana, e mraya ditina daku i Dhina.

Genesisi 34:12

Engetelani lowolo yayingi kwangu, ni txiningo, se ni na mi ninga si mi no si kombela; anu koko ni ningeni mwanana wanu, e maha msikati wangu!”

Eksodha 22:17

Ngako tate wakwe a txi lamba ti to e mteka, a fanete e ningela male ya mtengo wa lowolo.

1 Samuwele 18:25

Sekoko Sawule a to khene: Gelani Dhavhidha mi txi khanu: Mfumeli kha lavi lowolo, aniko a lava dizana wa wukhuna wa Vafilista, kasi kuphota ka valala va mfumeli. Ngu kumaha keto, Sawule a ti lava kudaya Dhavhidha ngu dianza da Vafilista.

Dhewuteronome 27:13

Se ava va no ema mmangoni ka Ebhali, kasi kuva txi womba mapswi a kuruketela, ngu vava: Rubheni, ni Gadhi, ni Aseri, ni Zebhuloni, ni Dhani, ni Naftali.