Genesisi 30:1 - Bhiblia Yo Sawuleka

¹ Ngako Rakeli a di woni ti to kha velekela vanana Jakobe, a to khata kulusa ka Leya, se e womba ka Jakobe, a txi khene: “Nihe vanana, hahanze keto, ndinene ku ni txi fa.”

Genesisi 30:1 Referans Kwoze

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Genesisi 29:31

Txizimu ngako txi di woni ti to Leya kha randwi, txi to mninga kuveleka, kasi Rakeli a zumbile i di txifule.

Genesisi 37:11

Vakomwakwe va to zumba va txi m'vengela; kambe tate wawe a to veketa mapimoni kwakwe timhaka tiya.

2 Vakorinto 7:10

Nguko, kupandiseka kuwa, madingano ni kuranda ka Txizimu, kuvanga kuhunduluka ku ku yisako kuhanyiswani; kha ku ningi kutshumelela msana. Aniko kupandiseka madingano ni kuranda ka mafu, kuvanga lifo.

Jakobe 4:5

Mwendo mi pimisa ti to mibhalo yo womba walo ngako yi txi womba tito: “Moya wu wu zumbako kwathu, Txizimu txi wu randa ngu txiluse, kani?”

Jakobe 3:14

Aniko, ngako mi di ni wukhuxu wo bava ni moya wo ti randa mipune timbiluni kwanu, mi nga ti kuliseni, kambe mi nga wombeni makuhu o kaneta ditshuri,

1 Vakorinto 3:3

nguko mi ngadi vathu va ha mafuni dwe. Nguko mibango ni kuphikizana kuwa ku kuho hagari kwanu, ina hi nga kuwa mi ku ngadi vathu va ha mafuni dwe, mi hanyisako wuthu kani?

Mavingu 14:30

Mbilu yo hanya kha kwati mbutomi wa mmidi, aniko dibava ngu sina ka marambu.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

Johani 4:8

Kasi vagondiswa vakwe va ti tsute didhoropani kuya xava sakudya.

Johani 4:3

Konaho Jesu a to khukha Judheya a tshumelela Galileya.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Masalmo 106:16

Se va di wugoveloni kwawe, va to bavela Mosi ni Aroni, msawuleki wa Mkoma.

Jobe 13:19

I mani wu a no lwa ni nani kani? Se ngako ni txi malala ni ndi na bhindula moya.

Jobe 3:11

Ngu kutxani ni nga mbi fela mndani ka mame kani? Ni nga mbi gwita ni txi ngadi ni huma ngu mndani kani?

1 Vafumeli 19:4

Se a to tsimbila mnava wa ditshiku, eya khalahatsha hahatshi ka mndonga; se a to navela ni ku ti kombelela kufa a txi khene: Se ta dingana awe Mkoma; teka koko wutomi wangu, nguko kha ni nga wamnene kupinda vatate vangu.

Mitengo 11:29

Kambe Mosi a to khene kwawe: “Ngu kutxani uva ni txiluse masoni kwangu kani? Ani ni khani i di tinene nga ti votshe vathu va Mkoma va txi profeta, Mkoma e va ninga moya wakwe!”

Mitengo 11:15

“Ti di ngeto, na ku kombela tito, u ni ninga lifo konkuwa, kasi ni si woni xomulo yiya.”

Mavingu 30:16

Dithitha, ni mrumbu wa txifule, mafu ma si khuriko ngu mati, ni mndilo wu si dhukiko wu txi kha wona: Ti dingani.

1 Samuwele 1:10

Ana koko, ngu kupandiseka moyani kwakwe, a to maha mkombelo ka Mkoma, na a txi dila ngutu.