Genesisi 3:8 - Bhiblia Yo Sawuleka

⁸ Se va to engisa dipswi da Mkoma Txizimu, a nga ti tsimbila-tsimbila amu thembweni, ngu mbimo ya minova; wamwamna ni wamsikati va to sisala hagari ka mindonga ya thembweni, ngu kuthava khohe ya Mkoma Txizimu.

Genesisi 3:8 Referans Kwoze

Jeremiya 23:24

Ina m'thu a nga sisala ka makhalo a sihunja saku ve ni si mmoni kani? Kuwomba Mkoma. Ina kha ni tati nzuma ni mafu kani? Kuwomba Mkoma.

Mavingu 15:3

Maso a Mkoma ma wona ka otshe makhalo, ma wonetela vabihi ni vavanene.

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Varoma 2:15

Va kombisa ti to mthumo wu wu lawako ngu mlayo wu bhatwe timbiluni kwawe; livhalo lawe ngu yona fakazi yawe; ni mapimo awe ma va kawuka mwendo ku va emela.

Genesisi 3:10

Se Adhamu a to khene: “Ni to engisa dipswi dako thembweni muwa, se ni telwa ngu dizowa, nguko ni ti tximbwiri, se ni sisala.”

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.

Jobe 31:33

Se ngako ni di khubhunyetile sihambunyeto sangu ngako ni ku m'thu, ni sisa tingana tangu masoni kwangu,

Jobe 38:1

Msana ka tiya, Mkoma a to xamula ka Jobe, ngu mu ka txihuhuri, a txi khene:

Dhewuteronome 23:14

Nguko Mkoma, Txizimu txako, a tsimbilela hagari ka wugovelo wako, kasi ku kutxhatxhisa ni kuningela valala vako manzani kwako; ngu kumaha keto, wugovelo wako wu na va wo sawuleka, kasi ku asi ku tshuraleli, ngako a txi wona to biha kwako.

Dhewuteronome 5:25

Se konkuwa hi nga fa ngu mhaka muni kani? Mndilo wuwa wa hombe wu na hi hisa. Ngako hi txi tama hi engisa dipswi da Mkoma, Txizimu txathu, athu hi na fa.

Dhewuteronome 4:33

Ina vaho vathu va nga engisa dipswi da Txizimu, txi txi womba-womba ngu hagari ka mndilo, kufana ni ku awe u ngadi engisa, va txi tama va txi hanya kani?

Jobe 22:14

Marefu ngu ona wusisaleloni ka txona, kuva txi si woni; se txona txa tsimbila-tsimbila nzumani.

Mtuletelo 6:15

Vafumi va mafu, ni tinduna, ni vathangeli va tiyimbi, ni vanyatithombe, ni vathu va mtamo, ni votshe tikhumbi ni vathuseki, va to tumbela maphalani ni hahatshi ka marigwi mimangoni.

Genesisi 18:33

Mkoma, ngako a di gwitile kuwombawomba ni Abrahamu, a to khukha e tsula, se Abrahamu a tshumete a txi wuya m'tini kwakwe.

Levhi 26:12

Ni na va hagari kwanu, ani ni na va Txizimu txanu, nanu mi na va vathu vangu.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!