Genesisi 3:7 - Bhiblia Yo Sawuleka

⁷ Sekoko maso awe ngu wumbidi wawe, ma to tuleka, se va to tiziva ti to i ti ti simbwiri; konaho va to runga sitshapa sa mkuwu, ve ti mahela syambalo sawe.

Genesisi 3:7 Referans Kwoze

Isaya 59:6

Sisaka sa va nyazombe kha si dingani kuluka ngu sona syambalo, hambi ku ti fenengeta ngu mithumo yawe; mithumo yawe, mithumo ya wubihi, ni mithumo ya wugevenga yi manzani kwawe.

Genesisi 2:25

Ngu wumbidi wawe, va ti sa ambala txilo, wamwamna ni wamsikati, aniko va si nga ni tingana.

Genesisi 3:5

“Nguko Txizimu txa tiziva tito, ka ditshiku di mi no dya, mi na tuleka maso, mi fana ni Txizimu, mi ziva ta tinene ni to biha.”

Isaya 28:20

Nguko m'bhedhu wu na koma ngutu, aha ko ni wammweyo kha na kusikota kunavalata ka wona; ni didhamba di na songa, aha ko ni wammweyo kha na ku sikotako ku ti fenengeta ngu dona.

2 Vafumeli 6:20

Se mbimo yile va nga hoka Samariya, Elixa a to khene: Mkoma, va tule maso kasi va na wona. Sekoko Mkoma a to va tula maso kasi ve wona, se va to ti wona va di hagari ka Samariya.

Dhewuteronome 28:34

U na maneka u txi hundeka ngu totshe ti u no ti wona ngu maso ako.

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Isaya 47:3

Tingana tako ti na vhunungulwa, se ku na wonaneka wumbwiri wako; ni na phota, kha ni na mbi siya m'thu ni wammweyo.

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Valamuli 3:2

Ku mahela ku tiveleko ta vanana va ka Israyeli, ngu tona ti na gonda kulwa yimbi, ngutu-ngutu tilveleko tile ti nga si yi zivi yimbi.

1 Vakorinto 12:23

Ani sile si wonekako nga kha si faneli kuxoniphwa, ngu sona hi si fenengetako ngu txithavo kupinda simwani; ani sihango sathu sa kusoleka, ngu sona hi si xoniphako kupinda simwani;