Genesisi 3:6 - Bhiblia Yo Sawuleka

⁶ Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Genesisi 3:6 Referans Kwoze

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

1 Timoti 2:14

Kambe hi nga Adhamu a nga kanganyiswa, aniko i Evha a nga kanganyiswa e wa txionhoni.

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Joxuwa 7:21

Mbimo yile ni nga wona dijasi do tshura hagari ka sile so handwa, ni 200 wa maxekele a silivhela, ni dibwinzi da nzalama ya mtxhanu wa magumi a maxekele, ni to si navela ni txi si teka, wona taku, ni si sisile hahatshi ka mafu, hagari ka ditenda dangu, se silivhela yi ngu hahatshi ka sotshe.”

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

Genesisi 6:2

vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Ezekhiyele 24:25

Se ngu kwako awe mwanana wa m'thu: Kha ku na mbi maheka taku, ka ditshiku di ni no thavisa mkhokhola wawe, i ku wudhundo wa ku ti bombisa kwawe, ni kunavela ka maso awe, kuwusetwa ka mihefemulo yanu, ni vanana vanu va mazambi ni vamahorana,

Ezekhiyele 24:16

Awe mwanana wa m'thu, wona taku ni na thavisa kunavela ka maso ako ngu ku kupeka, aniko khu na mbi pandiseka, kambe khu na mbi dila, hambi kuwa mirongo yako.

Matewu 5:28

Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Genesisi 39:7

Msana ka totshe tiya, msikati wa Potifari, nyamne wakwe, a to khata kuwonetela Josefa ngu ku mnavela, e m'gela tiya: “Otela ni nani!”

Genesisi 3:17

Se ka Adhamu, Txizimu txi ti kha txona: Ngako u nga engisa dipswi da msikati wako, u txi dya muhando wa mndonga wule ni nga ku gela ku khani: U nga dye muhando wa mndonga wuwa, ngu mhaka yako, ma ruketetwe mafu. U na dya mihando ya wona ngu kuxupheka otshe masiku a kuhanya kwako.

Genesisi 3:12

Sekoko Adhamu a to khene: “Msikati wu u nga ni ninga ti to e zumba ni nani, ngene a nga ni ninga sa mndonga wule, se nidya.”

Jobe 31:1

Ni mahile txitumelelano ni maso angu; ni nga navelisa kutxani muhorana kani?

Valamuli 14:17

Se a to dila masoni kwakwe, amu ka mtxhanu wa masiku ni mambidi, mndani ka m'buso; ku to maheka koko taku, ka ditshiku da wutxhanu ni mambidi, Samusoni a to mtxhamusela, nguko a ti ti mxupha ngutu; sekoko ene a to ya txhamusela thethekatheka, ka vanana va ka kwawe.

1 Vafumeli 13:19

Se ene a to tshumela e yadya dipawu m'tini kwakwe, e sela mati.