Genesisi 3:5 - Bhiblia Yo Sawuleka

⁵ “Nguko Txizimu txa tiziva tito, ka ditshiku di mi no dya, mi na tuleka maso, mi fana ni Txizimu, mi ziva ta tinene ni to biha.”

Genesisi 3:5 Referans Kwoze

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Genesisi 2:17

aniko u nga dye mndonga wa kuziva ta tinene ni ta kubiha, nguko, ka ditshiku dile u no dya, kufa u na fa.”

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

2 Vakorinto 4:4

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Matewu 6:23

Aniko, ngako diso dako di di bihile, wotshe mmidi wako wu na va mtemani. Ngu toneto, ngako liwoningo li li ku kwako i di txidema, txidema txa kona txi na va txo kulisa kutxani!”

Genesisi 3:22

Sekoko Mkoma Txizimu a to khene: “Wonani, m'thu a hindukile, a txi nga athu, kuziva ta tinene ni to biha. Konkuwa, kulaveka ku ene a si nawuluti dianza kasiku nene a txi hapha muhando wa mndonga wa wutomi edya, e hanya kala kupinduka.”

Genesisi 3:10

Se Adhamu a to khene: “Ni to engisa dipswi dako thembweni muwa, se ni telwa ngu dizowa, nguko ni ti tximbwiri, se ni sisala.”

Genesisi 3:7

Sekoko maso awe ngu wumbidi wawe, ma to tuleka, se va to tiziva ti to i ti ti simbwiri; konaho va to runga sitshapa sa mkuwu, ve ti mahela syambalo sawe.

Mtuletelo 13:14

Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Mtuletelo 13:4

vathu ve khozela mwamilambo, nguko a nga ningela wukoma ka txikalani, ngu msana ve khozela txikalani, va txi kha vona: “I mani a fanako ni txikalani kani, i mani a sikotako kulwa natxo kani?”

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Isaya 14:14

Ni na kwela txitimwi ka marefu, kambe ni na fana ni Nyatxitimwi.

1 Vafumeli 22:6

Sekoko mfumeli wa ka Israyeli a to sengeleta vaprofeti vo lava kudingana 400, a txi khene kwawe: Ina ni tsula mwendo ni nga tsule ku yalwa ni didhoropa da Ramoti-Gileyadhi kani? Se vaprofeti va to kha vona: Tsula nguko Mkoma a na di ningela manzani kwako awe mfumeli.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Dhaniyeli 6:7

Votshe vathangeli va mfumo, vafumeli ni vafumeli va ditiko, vathangeli va yimbi, ni vafumeli va matiko a hombe, va to sunga txikungo, kasi kuveka txileleto txa wukoma ni kutsanisa mlayo wuwa, waku: Ni wuhi wuwa mndani ka magumi mararu a masiku a no maha txikombelo ka txizimu txokari mwendo ka m'thu wokari, na i si nga kwako, awe mfumeli, a na rinzwe diphalani ka tingonyamo.

Ezekhiyele 28:9

Kambe u na khawe masoni ka wule a no kudaya: Ani ni Txizimu kani? Kuve awe u m'thu, khu nga Txizimu, manzani ka wule a ku dayako.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Masalmo 12:4

va txi kha vona: “Hi na xula ngu mapswi athu; kuwombawomba ha sikota. I mani a no hi xula kani?”

2 Makronika 32:15

Konkuwa koko mi nga xengetelweni ngu Ezekhiya, hambi ku mi kujetele ngu mamahelo eyo, kambe mi nga mthembeni nguko kha ku na txizimu txa ditiko ni da dimwedo, hambi txa mfumo ni wawumwewo txi nga txhatxhisako vathu va txona manzani kwangu, hambi manzani ka vatate vangu, Txizimu txanu txi nga sikotisa kutxani ku mi hulukisa manzani kwangu.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Ezekhiyele 28:12

Awe mwanana wa m'thu, wusa txidilo txitimwi ka mfumeli wa Tiro, u txi m'gela ku khawe: Mkoma Txizimu a khene: Awe mfumeli u lipimo lo hetiseka, wo tala ngu wutxhari ni kutshura ko hetiseka.

Genesisi 2:9

Se Mkoma Txizimu, a to maha ti to ku txi mila totshe tixaka ta mindonga ha mafuni, ayi yi tsakisako ni ku yi wona, ni yi yi ku ni mihando yo tshamba yo dyiwa, ni mndonga wa wutomi hagari ka thembwe, ni mndonga wa ta tinene ni to biha.

Valamuli 3:2

Ku mahela ku tiveleko ta vanana va ka Israyeli, ngu tona ti na gonda kulwa yimbi, ngutu-ngutu tilveleko tile ti nga si yi zivi yimbi.