Genesisi 3:4 - Bhiblia Yo Sawuleka

⁴ Sekoko mnyoka wu to kha wona ka wamsikati: “Lambi! Kufa kha mi na mbi fa!”

Genesisi 3:4 Referans Kwoze

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

1 Timoti 2:14

Kambe hi nga Adhamu a nga kanganyiswa, aniko i Evha a nga kanganyiswa e wa txionhoni.

2 Vakorinto 2:11

Kasiku hi si kanganyiswi ngu Sathani, nguko ha ma ziva marindi akwe.

Genesisi 3:13

Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Masalmo 10:11

Ngu msana, a womba mbiluni kwakwe, a txi khene: “Txizimu txa divala, txa sisa khohe ya txona, kha txi woni txilo.”

2 Vafumeli 8:10

Se Elizewu a to khene: Tsula u txi ya m'gela ku khawe: Kha ditshuri khu na mbi kalamuka, nguko Mkoma a ni kombile ti to kha ditshuri u na fa.

2 Vafumeli 1:16

Se a to khene kwakwe: Mkoma a khene: Njitxani txi nga kumaha awe mfumeli u rumela mitumi kuya wotisa ka Bhahali-Zebhubha, txizimu txa Ekroni kani? Ina kova walo Txizimu amuwa Israyeli, kasi ku wotisa timhaka tako kani? Ngu kumaha keto khu na mbi txhika ngu ha m'bhedhuni hawa, kha ditshuri u na fa.

2 Vafumeli 1:6

Vona va to xamula ku kha vona: Hi to manana ni wamwamna wokari a txi khene: Tshumelani mi tsula ka mfumeli wule a nga mi ruma, mi txi ya khanu: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani? Se ngu kumaha keto, khu na mbi txhika ngu ha m'bhedhuni, kha ditshuri u na fa.

2 Vafumeli 1:4

Se ngu mhaka yeto, Mkoma a to khene: Khu na mbi txhika ngu ha m'bhedhuni, khu na mbi huluka kufa. Sekoko Elija a to khukha.

Dhewuteronome 29:19

Kambe ku nga thuke ku txi maneka m'thu waku, ngako a di engisile mapswi a txixambanyo txiya, a txi ti dhumisa mbiluni kwakwe, a txi khene: “Ni na va ni kudikha, hambi ni txi ti ningetetela ka ta walo, madingano ni kuranda ka mbilu yangu, nguko kutala ka mati ku na thavisa ditora.”

Genesisi 3:3

aniko, mihando ya mndonga wu wu ku hagari ka thembwe, Txizimu txi wombile ti to kha mi na mbi dya, hambi ni ku wu gwesa, kasi ku mi si fi.”

2 Makronika 18:21

Moya wu txi kha wona: Ni na huma ni maha moya wa makuhu ka txisofu txa vaprofeti vakwe votshe. Mkoma a txi khene: Awe u naya mkholwisa u mu xula, tsula u ya maha toneto.