Genesisi 3:20 - Bhiblia Yo Sawuleka

²⁰ Se wamwana a to raya msikati wakwe ditina daku i Evha, nguko i ku mame wa votshe va va hanyako, mame wa kuhanya.

Genesisi 3:20 Referans Kwoze

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Genesisi 2:23

Se wamwamna a ti khene: “Ngu ditshuri awuwa: Dirambu da marambu angu, ni nyama ya nyama yangu. A na dhanwa ku mbwa msikati; nguko a thavisilwe ka wamwamna.”

Genesisi 5:29

Se e mraya ditina daku i Nowa, a txi khene: “Mwanana wuwa a na hi thavelela kukaralani kwathu, ni kuxuphekani ka mithumo ya manza athu, ka mafu awa Mkoma a nga ma ruketela.”

Genesisi 2:20

M'thu a to raya sotshe sifuyo, sotshe sinyana sa nzuma, ni sotshe sihari sa txitinga; ti di ngeto, ka m'thu kha ka maneka m'vhuneteli wo fana nayo.

Mithumo 17:26

Na txi txi khukhela ka m'thu mmweyo, txi vangile totshe tixaka ta vathu, kasiku ve eneta otshe mafu, txi va vekela tinyango ti ti nga sawulwa ngu txona ni mihingano ya muwa va fanelako kuzumba kona:

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.

Eksodha 2:10

Se mbimo yi mfana a nga kula, a to mteka e m'heleketa ka mwanana wa Faro, awule a nga ya mu amukela, e mmaha mwanana wakwe; se a to mraya ditina daku i Mosi, a txi khene: “Nguko ni m'humisile matini.”

Genesisi 35:18

Mbimo yi wu nga txi huma moya wakwe, na se lifo li di hafuhi, ene a to raya ditina mwanana, daku i Bhenoni; aniko tate wakwe a mrayile ku i Bhenjamini.

Genesisi 16:11

Ngelozi ya Mkoma, yi to kha yona kambe kwakwe: “U ni txirumbu, se u na veleka mwanana wa mfana, u mraya ditina daku i Ismayeli, nguko Mkoma a engisile kuxupheka kwako.

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

1 Timoti 2:13

Nguko ku thangile Adhamu e wumbwa, ku txi londeta Evha.

Genesisi 3:21

Se Mkoma Txizimu a to mahela Adhamu ni msikati wakwe, tinguwo ta madhowo, a txi va ambeka.