Genesisi 3:19 - Bhiblia Yo Sawuleka

¹⁹ “U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Genesisi 3:19 Referans Kwoze

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Jobe 34:15

yotshe nyama yi ndi na patana yi txi fa, se m'thu a ndi na tshumelela lithuluni.

Masalmo 104:29

Ngako u txi si sisela khohe yako, sa rereka, ngako u txi si thavisa moya, sa fa, si txi tshumela si maha luthule.

Genesisi 2:7

Se Mkoma Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

Masalmo 90:3

Awe wa sikota kutshumeta vathu ve maha lithulu, ngu ku va gela ku khawe: “Tshumelani mi txi maha lithulu anu vanana va vathu!”

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.

Ekleziyaste 3:20

Sotshe siya wukhaloni kumweko; sotshe lithulu, kambe sotshe si na tshumela si ya lithuluni.

Genesisi 18:27

Abrahamu a wombile kambe, a txi khene: “Ani na tsana ni txi womba kambe ka Mkoma wangu, ani ni ku lithulu ni dikhuma.

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Ekleziyaste 1:3

A bhindula txani m'thu ka mthumo wakwe wotshe, awu a wu mahako hahatshi ka ditambo kani?

Masalmo 22:15

Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Genesisi 23:4

“Hagari kwanu ani ni muwuyi, ni mluveli, ni kombela wukhalo, kasi ku nave mathithani ko ni lumba, tito, ni na tshotsha kona mfi wangu.”

2 Vatesalonika 3:10

Mbimo yi hi nga ti ni nanu, hi ti mi gela ta tinene, hi txi khathu: Awu asi ti laviko kuthuma, kha nga ni fanelo ya kudya.

Masalmo 103:14

Ene wa tiziva ti athu hi nga wumbiswa tona; wa ti alakanya ti to athu hi lithulu dwe.

1 Vatesalonika 2:9

Alakanyani, vanathu, mithumo yathu ni mikaralo yathu! Hi thumile wusiku ni mitshikari kufela ku hi si nemeti ni mmweyo wanu, mbimo yi hi nga ti txhumayela Evhangeli ya Txizimu hagari kwanu.

Ekleziyaste 5:15

Nga tile a nga humisa tona ngu mndani ka mame wakwe, a na tshumelisa toneto i di tximbwiri; kha na mbi teka txilo txa mthumo wakwe, ngu manza akwe.

Ekleziyaste 1:13

Se ni to ningetetela mbilu yangu kuxolisisa ni kuthumisa wutxhari wangu, kasi kuziva totshe ti ti mahekako hahatshi ka nzuma; mthumo wu Txizimu txi nga wu ningela ka vanana va vathu mbwo nemela, kasi kuva txi wu maha.

Mavingu 21:16

M'thu wule a lekako nzila ya wuzivi, a na maneka a di mtaloni ka vafi.

Masalmo 22:29

Va na m'dhumise ava va nga relela mathowoni; votshe avale vafako va na name masoni kwakwe, nguko ene ngene a ningako wutomi.

Jobe 21:26

Ngu wumbidi wawe va otela lithuluni. Se ve tshulelwa ngu timbungu.

Jobe 19:26

Se msana ka ku di ti gumile didhowo dangu, ni txi ngadi ni hanya nyamani kwangu, ni na wona Txizimu.

Jobe 1:21

Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.

1 Vakorinto 15:47

M'thu wo khata a nga wumbwa ngu mafu, mbwa mafu; m'thu wa wumbidi a ta ngu nzumani.

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

Genesisi 3:18

Mafu ma na ku milisela mipa ni maxexo, kambe u na dya mwasi wa txitinga.

Jobe 4:19

Ngutu-ngutu vale va zumbako ka tinyumba ta ndope, makhato a kona i ku lithulu, va sikotako kuphwaraselwa kufana ni sumba!

Masalmo 104:23

Sekoko nguyo mbimo, m'thu a humako eya mthumoni a txi ya thuma kala di txi swa.

Masalmo 127:2

Kha ti mi vhuni txilo kuphindula ni mixo ngutu, mi txi pila mi txi thuma kala hagari ka wusiku, kufela kudya mihando ya mnyuko wanu, na kasi Txizimu, ka vale txi va randako, txa va ninga soneso, hambi va di otete.

Genesisi 5:5

Mtengo wa malembe a kuhanya ka Adhamu i 930. Se ngu msana a to fa.

Jobe 10:9

Ni kombela taku u alakanya tito, ngako ni ku dibumba, u ni rendeletile, ni ti to u na ni tshumeta ni ya lithuluni.