Genesisi 3:16 - Bhiblia Yo Sawuleka

¹⁶ Se ka wamsikati, Txizimu txi ti kha txona: “Ni na engetela kuxupheka kwako, ngako u di ni txirumbu, vanana vako va na velekwa hagari ka kupanda. Kunavela kwako ku na kuyisa ka mwamna wako, aniko ene a na kufuma.”

Genesisi 3:16 Referans Kwoze

Titosi 2:5

ve va ni wuzivi ni kuthembeka ni kutiveka hahatshi ka vamna vawe, ve va i di vaxayisi vavanene va timwaya tawe, i di vo randeka, kasiku dipswi da Txizimu di si poyilwi ngu m'thu.

Vakolosa 3:18

Anu vavasikati, ti vekeni hahatshi ka vamna vanu, nguko ti ni fanelo ka vale i ku sihango sa ditshuri sa Mkoma.

1 Vakorinto 11:3

Aniko ni lava ku mi txi ziva tito: Msungo wa wamwamna ngu Kristu; msungo wa wamsikati ngu wamwamna; se msungo wa Kristu ngu Txizimu.

1 Timoti 2:15

Hambi keto, wamsikati a na hanyiswa nguko a velekako vanana, ngako a txi timisela amu ka likholo, ni mu ka lirando, ni mu ka ku ti sawulekisa, ni kutiñola.

1 Vakorinto 14:34

vavasikati va na malale misengeletanoni; vona kha va tumelelwi kuwombawomba. Kulaveka va txi ti veka hahatshi, kota kuwomba ka wona mlayo.

1 Vakorinto 7:4

Wamsikati kha nga ni mtamo txitimwi ka mmidi wakwe apune, aniko mtamo wu ni mwamna wakwe; kufana ni toneto, wamwamna nene kha nga ni mtamo txitimwi ka mmidi wakwe apune, aniko mtamo wu ni msikati wakwe.

Johani 16:21

Wamsikati, txikhati txi a lavako kuhefemula, wa xaniseka, nguko yi hokile mbimo yakwe; aniko msana ka kuhefemula mwanana, kha ku alakanyi kambe kuxaniseka, ngu litsako li a li pfako la kuvelekwa ka m'thu ha mafuni.

Genesisi 4:7

Ina ngako u txi maha ta tinene, khu na mbi u amukelwa kani? Se ngako u txi maha to biha, txionho txi na ku baramela ha txikeni, txi txi lava ku ku pfinya, aniko awe wa sikota ku txi xula.”

Jeremiya 6:24

Hi pfite nduma yawe, mawoko athu ma guma mtamo; hi tetwe ngu msanekera, ni kupanda nga ka wamsikati wu a lumwako.

Mitengo 30:13

Sotshe sithembiso ni sotshe sixambanyo a nga si tsanisa, kasi kuxanisa mbilu yakwe, mwamna a na si tumela mwendo ku si lamba.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Esteri 1:20

Se mbimo yi ku no pfiwa txileleto txi a no txi maha mfumeli ka wotshe mfumo wako (ngako i ku wa hombe), votshe vavasikati va na va ni txithavo ka vamna vawe, kukhukhela ka wa hombe kala ka wam'dotho.

Jeremiya 22:23

Awe wu u nga aka Libhanoni, u ku ni txisaka txako madhavini ka mikedhari. Ngu xaniseka ka kutxani u no va nako ngako u txi na humelwa ngu makhombo, ngu pandisa ni tihuwa ku nga wamsikati a lumwako.

Jeremiya 13:21

U na txani ngako a txi veka vakakwanu ku kufumela kani? Ngawe u nga va gondisa kuva vanyamne vako. Ina kha ti na mbi panda kwako nga wamsikati a lumwako kani?

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

Isaya 13:8

Se va na dhukiswa ve thava, va txi guma mtamo, ve xanisekisa ku nga wamsikati a di hafuhi ni kuveleka; va na wonana, ve xamala, ve dhunuka, ngu kuthava.

Jeremiya 49:24

Dhamasku a hetile mtamo; a tshurate, a lava kututuma, a ñotwe ngu kuthava: Xomulo ni kupandiseka si va ñote, kufana ni ka wolava kuhefemula.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Masalmo 48:6

Va to telwa ngu dizowa va txi pandiseka kufana ni wamsikati wu a lumwako ngu txirumbu;

1 Timoti 2:13

Nguko ku thangile Adhamu e wumbwa, ku txi londeta Evha.

1 Makronika 4:9

Se Jabhesi a to dhundwa ngutu kupinda vanawe; mame wakwe a to mraya ditina daku i Jabhesi, a txi khene: Ni m'velekile ngu xomulo.