Genesisi 3:14 - Bhiblia Yo Sawuleka

¹⁴ Sekoko Mkoma Txizimu a to khene ka mnyoka: “Ngako u nga maha tiya, u ruketetwe ngutu kupinda sotshe sihari sa txitinga; u na tsimbila ngu dibindi, udya lithulu la mafu, otshe masiku a kuhanya kwako.

Genesisi 3:14 Referans Kwoze

Mika 7:17

Va na danzela lithulu ku nga minyoka; va na huma ngu makhokholani, kufana ni sihari so tsimbila ngu dibindi na va txi dhudhumela; va nata ka Mkoma, Txizimu txathu, ngu kudhudhumela, na va txi kuthava.

Isaya 65:25

Dixolwa ni txinvutana si nadya kumweko, se ngonyamo yi na dya mwasi kufana ni homu; se lithulu li na maha sakudya sa mnyoka. Kha si na mbi maha wubihi mwendo kuonha txokari ka wotshe mmango wangu wo sawuleka, kuwomba Mkoma.

Masalmo 72:9

Vathu va txiwulani va na nama masoni kwakwe; valala vakwe va na ti wisa ha mafuni masoni kwakwe!

Isaya 29:4

Sekoko u na wiswa hahatshi, u na womba-womba u di hahatshi ka mafu, se kuwombawomba kwako ku na huma ngu lithuluni, ku si nga ni mtamo, ni dipswi dako di na huma ngu hahatshi ka mafu, kufana ni dipswi da mloyi, ni kuwombawomba kwako ku na veta mloti kukhukhela lithuluni.

Levhi 20:25

Anu mi fanete kuziva kuhambanisa sihari so yila ni sihari so mbi yila, sinyana so yila ni so mbi yila; mi si ti nyenyezisi ngu sihari ni sinyana ni si si tsimbilako ngu dibindi, ha mafuni, asi ni nga mi gondisa ku si ziva, ni txi mi gela asi i ku so yila.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Genesisi 3:1

Se mnyoka wu ti txharihile ngutu kupinda sotshe sihari sa txitinga, asi Mkoma Txizimu a nga ti si mahile. Mnyoka wu wombile ka wamsikati, wu txi kha wona: “Ina Txizimu txi wombile to mi nga dyeni muhando ni wawumwewo, ka yotshe mindonga yi yi ku thembweni muwa kani?”

Genesisi 4:11

Se konkuwa, u ruketetwe ha mafuni, aale ma nga asama txisofu txa ona, kasi kusela ngu manzani kwako, mnoha wa mnanda wako.