Genesisi 3:13 - Bhiblia Yo Sawuleka

¹³ Se Mkoma Txizimu a to wotisa ka wamsikati a txi khene: “U mahile txani kani?” Se wamsikati a txi khene: “Ni to xengwa ngu mnyoka se ni dya.”

Genesisi 3:13 Referans Kwoze

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

1 Timoti 2:14

Kambe hi nga Adhamu a nga kanganyiswa, aniko i Evha a nga kanganyiswa e wa txionhoni.

Johani 18:35

Pilato a to xamula, a txi khene: “No va ni di Mujudha ani kani? Ditiko dako ni vaphaxeli va hombe ngu vona va nga kuningela manzani kwangu. Nji txani u nga maha kani?”

2 Samuwele 3:24

Sekoko Jowabhi a to wulela ka mfumeli, a txi khene: U mahile txani kani? Wona taku, Abhineri a tile kwako; ngu kutxani koko, u nga mleka e tsula ngu kudikha kani?

Genesisi 44:15

Josefa a to wotisa, a txi khene: “Njitxani atxiya mi nga txi maha kani? Mi si ti zivi to m'thu wo nga ani wa tiziva kuhuta kani?”

1 Samuwele 13:11

Sekoko Samuwele a to khene: U mahile txani kani? Sawule a to khene: Ni di woni ti to vathu va khata ku hangalakela, ni ti to awe khu bwaki mndani ka masiku ale hi nga langana, ni ku Vafilista va sengeletani kona Mikimaxi,

Varoma 7:11

Nguko txionho, txi di mani nzila ngu mhaka ya mlayo, txi to ni kanganyisa, txi ni daya.

1 Samuwele 15:15

Se Sawule a to khene: Va ti tekile ka Vaamaleki; nguko vathu va tekile tinvuta ni tihomu ta mikati totshura, kasiku ta maha mningelo ka Mkoma, Txizimu txako; kambe simwani hi haxulete si txi bhi.

Genesisi 12:18

Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

Levhi 12:5

Ngako a txi veleka mwanana wa muhorana, a na yila amu ka mavhiki mambidi, ku nga mbimo yi a ku ni mitxima yakwe, a na verela mtxhanu wa magumi a masiku ni digumi dimwedo, ni mtxhanu wa masiku ni dimwedo, ngu mhaka ya mnoha wakwe, kasi a na basiswa.

1 Vafumeli 13:18

Ene a m'gete ku khene: Nani ni mprofeti kufana ni nawe, se ngelozi yi to ni angula ngu dipswi da Mkoma, yi txi kha yona: Mmahe e tshumela ni nawe mi tsula m'tini kwako, kasi ku eya dya dipawu, ni kusela mati (kambe a to mu hembete).

Jona 1:10

Sekoko vavamna va to tala ngu kuthava ka hombe, va txi m'gela ku kha vona: U mahete txani awe toneto kani? Nguko va txi tiziva vavamna vale taku, a ti ko tutuma eya kule ni khohe ya Mkoma, nguko ene se a ti ti va gete.