Genesisi 29:8 - Bhiblia Yo Sawuleka

⁸ Va xamute va txi kha vona: “Kha hi ti mahi eto, na kusanzi kutshangana yotshe mitxhambi, ngako yi di tshanganile yotshe mitxhambi, ngu kona hi nga sikotako kurindilita dirigwi, hi di thavisa ha txisimani, hi ninga mati tinvuta ti sela.”

Genesisi 29:8 Referans Kwoze

Luka 24:2

Kambe ve mana txiwindi txi di wumbulutilwe ha txikeni ka diyiva.

Marku 16:3

Va ti ti wotisana va txi kha vona: “I mani a no ya hi wumbulutela dirigwi, a txi di thavisa ha txikeni ka diphala kani?”

Genesisi 43:32

Va to phamela sakudya ve ninga Josefa ha mezani kwakwe, ve phamela sa kuninga vanawe ha mezani kwakwe ni vona, ve phamela kambe Vaegipta va nga ti ti ho ha mezani kwakwe ni vona: Nguko Vaegipta kha va dyi kumweko ni Vahebheru, nguko eto ta yila ka Vaegipta.

Genesisi 34:14

Vona va va gete va txi kha vona: “Kha hi sikoti ku ti maha eto: Kuningela ndiyathu ka dikhutu, nguko hagari kwathu ta yila.

Genesisi 29:3

Yi ti ti manana koneho yotshe mitxhambi, vadyisi va ti ti vhunungula dirigwi, va txi di thavisa ha txisofuni ka txisima, va txi rekelela mati a kuninga mitxhambi, yi sela, se ngu msana ve tshumela va txi di wuyisa ha wukhaloni ka dona.

Genesisi 29:7

Sekoko Jakobe a to va gela ku khene: “I ngadi mitshikari, hi nga mbimo yo sengeleta mitxhambi yi txi ya m'tini. Ningani mati sihari si txi sela, mi txi tshumela mi dyisa.”

Genesisi 29:9

Jakobe a di ngadi a txi bhula navo, Rakeli a to hoka ha txisimani ni mtxambi wa tinvuta ta tate wakwe, nguko ene i ti m'dyisi.

1 Samuwele 9:11

Se ngako vona va di kwete ngu mmango wa didhoropani, va to mana mahorana okari ma nga txiya kurekani ka mati, va txi kha vona ka ona: Ina m'huti aho kheno kani?