Genesisi 29:6 - Bhiblia Yo Sawuleka

⁶ Jakobe a va wotisile kambe, a txi khene: “Ene wa hanya kha kwati kani?” Va to xamula kambe va txi kha vona: “Ina ene, wa hanya kha kwati. Wona, ndiyo Rakeli mwanana wakwe, a tako ni tinvuta.”

Genesisi 29:6 Referans Kwoze

2 Samuwele 20:9

Se Jowabhi a to khene ka Amasa: Ina wa wuka kwati mwanathu kani? Se Jowabhi a to ñola txiletu txa Amasa ngu dianza da txinene kasiku e mpswopswa.

1 Samuwele 25:5

se Dhavhidha a to rumela digumi da vafana, a txi khene kwawe: Kwelelani mi ya Karmeli ka Nabhali, mi ya ni wotisela thenga to o txani.

1 Samuwele 17:22

Se Dhavhidha a to leka mrwalo wakwe manzani ka muwoneleli wa thundu, e tutumela kuya yimbini; se a di hokile a to wotisa vakomwakwe taku mwendo va wuka kha kwati.

Eksodha 18:7

Sekoko Mosi a to huma e hingeta msade wakwe, a txi ya khizama masoni kwakwe e mpswopswa, va to khambana thenga, se ve wulela ditendani.

Genesisi 43:27

Aniko ene a to va khambisa thenga ngu lirando, a txi va wotisa ku khene: “Wa hanya tate wanu, txona txikhovana txi mi nga womba-womba ni nani ngu txona kani? Ene i ngadi mtomi kani?”

Genesisi 37:14

Ene a m'gete, a txi khene: “Tsula u txi ya wona ti to vakomwako va hanyisa kutxani ni mitxhambi, se u na ni wuyisela mahungu awe.” Josefa a di rumilwe, a to khukha mkovani ka Hebroni a txi ya hoka Sikemi.

Genesisi 29:7

Sekoko Jakobe a to va gela ku khene: “I ngadi mitshikari, hi nga mbimo yo sengeleta mitxhambi yi txi ya m'tini. Ningani mati sihari si txi sela, mi txi tshumela mi dyisa.”

Eksodha 2:16

Se Jetro, mphaxeli wa Midhiyani a ti ni mtxhanu wa vanana ni vambidi vamahorana. Vona va to ya kuya reka mati, ve tata mikawu kasi kuninga mitxhambi ya tate wawe yi sela.