Genesisi 29:33 - Bhiblia Yo Sawuleka

³³ Se a to mana kambe txirumbu e veleka mwanana wa mfana, a txi khene: “Mkoma a engisile ti to ani kha ni randwi, se e ni ninga kambe wuwa. Se a to mraya ditina daku i Simiyoni.”

Genesisi 29:33 Referans Kwoze

Genesisi 34:25

Ka ditshiku da wuraru, ngako avale vavamna va txi ngadi va txi pfa kupanda, vafana va vambidi va Jakobe, Simiyoni ni Levhi, tindiya ta Dhina, mmweyo ni mmweyo wawe a to teka ditxhari, va txi ya wulela didhoropani va si wonwi ngu m'thu, va txi ya dayetela votshe vavamna.

Genesisi 42:24

Se a to khukha hafuhi kwawe a txi dila. Ngu msana a to wuya kwawe, e ta womba-womba navo, a to ñola Simiyoni, e msunga hagari kwawe.

Genesisi 35:23

Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni.

Genesisi 34:30

Sekoko Jakobe a to womba ka Simiyoni ni ka Levhi, a txi khene: “Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”

Genesisi 30:20

Se a nje khene kha Leya: “Txizimu txi ni ningile txihiwa txo tshura, konkuwa mwamna wangu a na ni ninga lisima, nguko ni m'velekete mtxhanu wa vanana ni mmweyo.” Se a to mraya ditina daku i Zebhuloni.

Genesisi 30:18

Sekoko Leya a to khene: “Txizimu txi ni ningile txhatxhazelo, ngu ku ni nga ningela txithumi txangu ka mwamna wangu”; se mwanana a to mraya ditina daku i Isakari.

Genesisi 30:8

Sekoko Rakeli a to khene: “Ni lwite ni mkomwangu, kulwa ka Txizimu, kambe se ni xute.” mwanana a mrayile ditina daku i Naftali.

Genesisi 30:6

Sekoko Rakeli a to khene: “Txizimu txi ni lamute, txona txi ni engisile, txi txi ni ninga mwanana wa m'zambi.” Ngu mhaka yeto, a mrayile ditina daku i Dhani.

Mitengo 34:20

Ka lihunzu la vanana va Simiyoni, i Samiyela, mwana Amihudhi;

Dhewuteronome 21:15

Ngako wamwamna wokari a di ni vasikati vambidi, e maneka a txi randa ngutu mmweyo, se mmwani asi mrandi; ngako votshe ngu wumbidi wawe, va di m'velekete vanana vavafana, se matiwula a kona i di awule asi mrandiko,

Ezekhiyele 48:24

Se hafuhi ni muhingano wa ka Bhenjamini, kukhukhela ka didhawa da wutxani kala ka didhawa da mswa-ditambo, Simiyoni njikhwemu tximwetxo.