Genesisi 29:32 - Bhiblia Yo Sawuleka

³² Leya a to mana txirumbu e veleka mwanana wa mfana, awu a nga mraya ditina daku i Rubheni, nguko, ene a wombile ku khene: “Txizimu txi woni kupandiseka kwangu. Konkuwa, mwamna wangu a na ni randa.”

Genesisi 29:32 Referans Kwoze

Dhewuteronome 26:7

Sekoko hi to peka huwa, ka Mkoma, Txizimu txa vatate vathu; se Mkoma a engisile dipswi dathu, e wona wukhumbi wathu, ni mithumo yathu ni kuxupheka kwathu.

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Luka 1:25

A txi khene: “Ati ngu tiya Mkoma a nga ni mahela tona ka masiku awa ene a nga ni wona kasi ku ni thavisa tingana, hagari ka vathu.”

Masalmo 106:44

Kambe Mkoma, mbimo yi a nga va wona va txi pandiseka, e engisa kudila kwawe,

Masalmo 25:18

Wona kupandiseka kwangu ni kuxupheka kwangu u txi ni divalela sotshe sionho sangu.

2 Samuwele 16:12

Mkoma a na wona kuxaniseka kwangu, se e ni ninga kuthutha ngu mhaka ya kuruketela kwakwe ka nyamsi.

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.

1 Samuwele 1:11

Se a to maha txixambanyo, a txi khene: Awe Mkoma wa Mabutho a Tiyimbi! Ngako ngu ditshuri u txi wona kuxaniseka ka txithumi txako, se u ni alakanya, kambe u si divali txithumi txako, aniko u ninga txithumi txako mwanana wa mfana, ni na mningela ka Mkoma masiku otshe a kuhanya kwakwe, ha msungo kwakwe kha ku na mbi pinda limo.

Genesisi 42:27

Se mbimo yile mmweyo wawe a nga txhatxha disaka dakwe, kasi kuninga mbongola sakudya ka sile a nga xava, a to mana male yakwe, nguko yi di ha txisofuni ka disaka dakwe.

Genesisi 42:22

Se Rubheni a to va xamula a txi khene: “Kha na mi gela ti to mi nga maheni kubiha ka mnanda wathu, kani? Aniko anu kha ma ni engisa; se wonani, mnoha wakwe wa vilelwa.”

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

1 Makronika 5:1

Ka vanana va Rubheni, matiwula a Israyeli (nguko ene i ti ti matiwula, kambe ngu mhaka ya kule a nga nyenyezisa m'bhedhu wa tate wakwe, va ningete wutiwula wakwe ka vanana va Josefa, mwanana wa Israyeli; kasi ku asi balwi ka liveleko la matiwula.

Genesisi 16:11

Ngelozi ya Mkoma, yi to kha yona kambe kwakwe: “U ni txirumbu, se u na veleka mwanana wa mfana, u mraya ditina daku i Ismayeli, nguko Mkoma a engisile kuxupheka kwako.

Genesisi 37:29

Ngako Rubheni a di wuyile koko, e ta solela mu diphalani, e wona ti to Josefa kha nga ho mu diphalani; a to vharula syambalo sakwe;

Genesisi 35:22

Nga ti Israyeli a nga va a di akile ka dona ditiko edo, Rubheni a to otela ni Bhiliha, i nga ti txikaba txa tate wakwe, kambe Israyeli a ti zivile. Se vanana va Jakobe, i ti ti digumi ni vambidi.

Genesisi 29:31

Txizimu ngako txi di woni ti to Leya kha randwi, txi to mninga kuveleka, kasi Rakeli a zumbile i di txifule.

Mitengo 1:5

Ndiya koko, matina a vavamna vale va fanelako kuva ni nanu: Ka Rubheni, i Elizura, mwana Xedhura.

Genesisi 35:23

Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni.

Dhewuteronome 27:13

Se ava va no ema mmangoni ka Ebhali, kasi kuva txi womba mapswi a kuruketela, ngu vava: Rubheni, ni Gadhi, ni Aseri, ni Zebhuloni, ni Dhani, ni Naftali.

Ezekhiyele 48:6

Se hafuhi ni muhingano wa Efrayime, kukhukhela ka didhawa da wutxani kala mswa-ditambo, Rubheni njikhwemu tximwetxo.