Genesisi 29:25 - Bhiblia Yo Sawuleka

²⁵ Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”

Genesisi 29:25 Referans Kwoze

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Mavingu 11:31

Wona taku m'thu wo lulama wa tsayiswa ha mafuni; ngutu-ngutu m'thu wo biha, ni muonhi.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

1 Vakorinto 3:13

wu na tikomba mthumo wa m'thu ni m'thu, nguko ditshiku da kuta ka Mkoma di nata wu landula.

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

Genesisi 12:18

Sekoko Faro a to dhana Abramu a txi m'gela ku khene: “Ngu kutxani u txi ni mahela mhaka yiya kani? Ngu kutxani u nga mbi ni gela ti to ene msikati wako kani?

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Matewu 7:12

Ngu toneto, koko, totshe ti mi ti lavako kuve mi mahela vathu, va maheleni nanu. Awuwa ngu wona Mlayo ni gondo ya vaprofeti.”

Genesisi 20:9

Sekoko Abhimeleki a to dhana Abrahamu, a txi ta m'gela ku khene: “U hi mahete txani kani? Njionho muni ni nga txi maha kwako, kuza u tisa mnandu wa hombe txitimwi kwangu, ni txitimwi ka mfumo wangu kani? Awe u ni mahete ati ti ku si nga ni fanelo yo mahwa.”

Genesisi 26:10

Abhimeleki a to engeta, a txi khene: “U hi mahete txani toneto kani? Kudotho nga m'thu wokari wa ka kwathu a di otete ni msikati wako, se konaho u ndi nava u di hi wuyisete mnandu.”

Genesisi 29:24

Labhani a to mninga Zilpa, txithumi txakwe, kasiku e maha txithumi txa Leya, mwanana wakwe.

Genesisi 29:26

Labhani a to xamula, a txi khene: “Kha ti maheki mu ditikoni kwathu, kuthanga mnanda e tsula wukati, na mkomwa kona a sanzi kutekwa.

Genesisi 31:7

Tate wanu a ni kanganyisile e txitxa muholo wangu digumi da sikhati, aniko Txizimu kha txa mtumetisa ti to e ni mahela kubiha.

Rute 4:11

Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.

1 Samuwele 28:12

Se mbimo yile koko wamsikati a nga wona Samuwele, a to peka huwa ngu dipswi do guleka; se wamsikati a to khene ka Sawule: Wu ni kanganyisela txani kani? Awe ngawe Sawule!

Genesisi 29:16

Labhani a ti ni vanana vambidi vamahorana: “Mkomwakona a txi dhanwa ti to i Leya, ani mnanda i ti Rakeli.”

Genesisi 31:26

Sekoko Labhani a to womba ka Jakobe a txi khene: “Njitxani u nga maha ngu ku ni kanganyisa, u txi teka vanana vangu va mahorona nga tikhumbi ta ku ti mana yimbini, kani?”