Genesisi 29:19 - Bhiblia Yo Sawuleka

¹⁹ Sekoko Labhani a ti khene: “Ndinene ku mningela kwako, kupinda ku mningela ka nyamthuyo; awe zumba ni nani.”

Genesisi 29:19 Referans Kwoze

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Isaya 6:5

Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Genesisi 29:18

Jakobe a to randa Rakeli, se e xamula ka Labhani, a txi khene: “Ani ni na kuthumela mtxhanu wa malembe ni mambidi, ngu mhaka ya Rakeli, mwanana wako wa mnanda.”

Genesisi 29:20

Ngu kumaha keto, Jakobe a to thumela Rakeli mtxhanu wa malembe ni mambidi; malembe awa a ma woni i di masiku amadotho, nguko a ti ti mramda ngutu.

Jeremiya 29:6

Tekani vasikati, mi txi veleka sizambzana ni sihoranana; lowotani vafana vanu vasikati, ni kuningela mahorana anu ma txi tekwa ngu vavamna; va txi veleka sizambzana ni sihoranana; andani kheyo, mi nga hungulekeni.