Genesisi 29:18 - Bhiblia Yo Sawuleka

¹⁸ Jakobe a to randa Rakeli, se e xamula ka Labhani, a txi khene: “Ani ni na kuthumela mtxhanu wa malembe ni mambidi, ngu mhaka ya Rakeli, mwanana wako wa mnanda.”

Genesisi 29:18 Referans Kwoze

Hoseya 12:12

Jakobe a tutumete tithembweni ka Asiriya, se Israyeli a thumile ngu mhaka ya wamsikati, a xayisile sifuyo ngu mhaka ya wamsikati.

Genesisi 34:12

Engetelani lowolo yayingi kwangu, ni txiningo, se ni na mi ninga si mi no si kombela; anu koko ni ningeni mwanana wanu, e maha msikati wangu!”

Hoseya 3:2

Se ni to ti xavela ene ngu siya sa digumi ni mtxhanu sa silivhela, ni omeri yimweyo ya sevhadha, ni hafu ya omeri ya sevhadha;

2 Samuwele 3:14

Dhavhidha nene a to rumela mitumi ka Isibhosete, mwana Sawule, a txi khene: Ni ninge msikati wangu Mikali, awule ni nga mlowola ngu 100 wa makhutu a Vafilista.

Genesisi 31:41

Ni thumile magumi mambidi a malembe m'tini kwako. Ni kuthumete digumi da malembe ni mune ngu mhaka ya vanana vako va vambidi, ni mtxhanu wa malembe ni dimwedo ngu mhaka ya mtxhambi wako, kambe digumi da sikhati awe u txitxile muholo wangu.

Genesisi 29:30

Jakobe a to ziva kambe Rakeli, awu a nga mranda ngutu kupinda Leya; se a txi thuma kambe mamwani malembe a mtxhanu ni mambidi, m'tini ka Labani.

Genesisi 29:20

Ngu kumaha keto, Jakobe a to thumela Rakeli mtxhanu wa malembe ni mambidi; malembe awa a ma woni i di masiku amadotho, nguko a ti ti mramda ngutu.

Genesisi 24:67

Isaake a to wuleta Rebheka nyumbani ka mame wakwe, Sara, a txi mu amukela Rebheka kuva msikati wakwe, a txi mranda. Se Isaake a to mana mthaveleli wa mbilu yakwe, ene se a nga ti fetwe ngu mame wakwe.

Genesisi 29:19

Sekoko Labhani a ti khene: “Ndinene ku mningela kwako, kupinda ku mningela ka nyamthuyo; awe zumba ni nani.”

Genesisi 30:26

Ni ninge vasikati vangu, ava ni nga va thumela kwako, ni vanana vangu, ni txi tsula, nguko awe wa yi ziva mithumo yangu.”