Genesisi 29:16 - Bhiblia Yo Sawuleka

¹⁶ Labhani a ti ni vanana vambidi vamahorana: “Mkomwakona a txi dhanwa ti to i Leya, ani mnanda i ti Rakeli.”

Genesisi 29:16 Referans Kwoze

Rute 4:11

Se votshe vathu vale va nga ti ti ha banza, ni madhota, va to kha vona: Hi tifakazi; Mkoma a na mahe ti to awu wamsikati a wulelako nyumbani kwako, a txi fanana ni Rakeli ni Leya, avale ngu wumbidi wawe va nga aka nyumba ya ka Israyeli; kateka ngutu amu ditikoni ka Efrata, u txi maha wa ditina da nduma amu Bhetlehema.

Genesisi 49:31

Ngu koneyo a nga tshotshwa kona Abrahamu ni msikati wakwe Sara; ngu koneyo a nga tshotshwa kona Isaake ni Rebeka, msikati wakwe, ngu koneyo ani ni nga tshotsha kona Leya.

Genesisi 46:15

Evo mbanana va Leya, avale a nga velekela Jakobe ditikoni ka Padhani-Aramu, kumweko ni Dhina mwanana wakwe; votshe vanana vamajaha, ni vamahorana, magumi mararu ni vanana vararu.

Genesisi 35:23

Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni.

Genesisi 31:4

Sekoko Jakobe a to ruma vathu veya dhana Rakeli ni Leya, va txi ta thembweni amu a nga ti dyisa kona mitxhambi yakwe ya sifuyo,

Genesisi 30:19

Sekoko Leya a to mana txirumbu kambe, e velekela mwanana Jakobe, wa wutxhanu ni mmweyo, wa mfana.

Genesisi 29:17

“Kambe Leya a ti ni maso o wumela, aniko Rakeli a ti ni txiemo txa txinene ni khohe yo tshura.”

Genesisi 33:2

A to thangetisa sithumi ni vanana va sona, e veka Leya ni vanana vakwe, ngu msana; se ngu kugwitisa e veka Rakeli ni Josefa.

Genesisi 29:15

Se Labhani a to womba ka Jakobe, a txi khene: “Ina aku u ku dixaka, u nga ni thumela walo kani? Ni gele muholo wu u wu lavako.”