Genesisi 29:13 - Bhiblia Yo Sawuleka

¹³ Se ngako Labhani a di engisile ti to Jakobe, mwanana wa ndiyakwe, a to tutuma e m'hingeta, e mkhutarela ngu mawoko, a txi mpswopswa, e tsula nayo nyumbani kwakwe. Se Jakobe a to xawutela ka Labhani totshe ti ti nga maheka.

Genesisi 29:13 Referans Kwoze

Genesisi 24:29

Rebheka a ti ni ndiya yi nga ti dhanwa ku i Labani. Se Labhani, a txi hingeta wamwamna txisimani.

Varoma 16:16

Losanani ngu kupswopswana ko sawuleka. Dingulani otshe mabanza a Kristu.

Mithumo 20:37

Votshe va to khata kudila ngutu, va txi demberela m'thamoni ka Paulo,

Luka 7:45

Awe khwa ni pswopswa, kambe ene, kukhukhela ni wulela hawa, kha leki ku ni pswopswa mikondo.

2 Samuwele 19:39

Ngako koko, votshe vathu va di txhatukile Jordhani, se mfumeli nene a di txhatukile, mfumeli a to pswopswa Bharizilayi e mkatekisa; se ene e tshumela eya ka wukhalo wakwe.

Eksodha 18:7

Sekoko Mosi a to huma e hingeta msade wakwe, a txi ya khizama masoni kwakwe e mpswopswa, va to khambana thenga, se ve wulela ditendani.

Eksodha 4:27

Ti di ngeto, Mkoma a wombile ka Aroni a txi khene: “Tsula u txi hingeta Mosi txiwulani.” Aroni a to khukha a txi tsula, eya manana nayo mmangoni ka Txizimu, a ha a nga mlosa ngu ku mpswopswa.

Genesisi 45:15

Josefa ngu msana ka kona a to pswopswa vanawe votshe, a txi va khutarela ngu diganda, na a txi dila. Msana keto, ngu kona vanawe va nga sikota kuwombawomba nayo.

Vakolosa 4:5

Hanyani ngu wuzivi ni va va ku hahanze, mi txi londola ta tinene mbimo yi mi ku ka yona.

Genesisi 24:31

A txi ya m'gela ku khene: “Wulela awe u nga katekiswa ngu Mkoma. U zumbela txani hahanzeho kani? Ni ku lulamisete nyumba ni wukhalo wa makamelu.”

Genesisi 33:4

Sekoko Esawu a to tutuma e hingeta mnanda wakwe Jakobe, a to mñola, e mkhutarela, a txi mpswopswa, va txi dila ngu wumbidi wawe.

Genesisi 24:32

Sekoko wamwamna a to wulela nyumbani. Se Labhani a to ya txhatxha makamelu, a txi ma ninga diphunde ni lihawu, a txi wuyisa ka wule wa wamwamna mati a kusamba minenge, ene ni vavamna vale a nga ti navo.