Genesisi 28:22 - Bhiblia Yo Sawuleka

²² ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Genesisi 28:22 Referans Kwoze

Genesisi 35:7

Koneyo a ti ya aka txiluvelo, e raya wukhalowo ditina daku i Eli-Bheteli, nguko ngu koneyo Txizimu txi nga ti wonekisa kwawe, mbimo yi a nga txi thava masoni ka mkomwakwe.

Genesisi 14:20

Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.

Genesisi 35:1

Txizimu txi to womba ka Jakobe txi txi kha txona: “Khukha! Tsula Bheteli u txi ya aka kona. Koneyo u na ya aka txiluvelo txa Txizimu, atxi txi nga ti wonekisa kwako, mbimo yile u nga txi thava masoni ka mkomwako Esawu.”

Genesisi 33:20

Se konaho a to aka txiluvelo, a nga txi raya ditina daku i “Eli-Txizimu txa Israyeli.”

Genesisi 28:17

A to talelwa ngu kuthava, a txi khene: “Wukhalo wuwa wa thisa ngutu! Ayiya ngu yona Nyumba ya Txizimu ni ditimba da nzumani.”

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Genesisi 47:24

Aniko ngu mbimo ya kuelula, ka mtxhanu wa tipimo ta si mi nga elula, mi fanete kuninga Faro mpimo wumwewo, anu mi txi mana kudya, anu ni timwaya tanu, ni vanana vanu.

Genesisi 47:26

Josefa a to veka mthetho ngu mhakeyo, awu wu thumako kala ni nyamsi ka ditiko dotshe da Egipta: Ka mtxhanu wa tipimo ta sotshe si si elulwako mu tithembweni, mpimo wumwewo wu lumba Faro. Tshambi tithembwe ta vaphaxeli kha ta tekwa ti txi maha ta Faro.

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.