Genesisi 28:20 - Bhiblia Yo Sawuleka

²⁰ Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Genesisi 28:20 Referans Kwoze

1 Timoti 6:8

Ngu toneto, ngako hi di ni sakudya ni sakuambala, he tsakeleni soneso.

2 Samuwele 15:8

Nguko mbimo yile ani txithumi txako ni nga ti ti zumba Gesuri, ka Siriya, ni xambanyile, ni txi khani: Ngako Mkoma a txo ni wuyisa kambe Jerusalema, ni na ya thumela Mkoma.

Johani 1:16

Kha ditshuri, ngu kutalelwani kwakwe, hotshethu hi amukete kateko ni kateko.

Masalmo 66:13

Ni na phaxa mhamba ya sihari, amu nyumbani kwako ni tatisa sixambanyo si ni nga si maha,

Genesisi 31:13

Ani ngani Txizimu txa Bheteli, ahale u nga thela mafura ka phande u ni mahela txixambanyo. Konkuwa khukha, huma ka ditiko diya u txi tshumelela ditikoni mu u nga velekelwa kona.”

Mithumo 18:18

Paulo a zumbile Korinto masiku amangi. Msana keto, a to siya vanawe e tsula Siriya ngu txitimela, a di ni Prisila ni Akila. Madingano ni txixambanyo txi a nga txi maha, a to kuyulwa misisi a di Kenkreya.

Masalmo 132:2

Alakanya sixambanyo sakwe, sithembiso si a nga si maha ka Txizimu txa mtamo, txa Jakobe, a txi khene:

Masalmo 119:106

Ni xambanyile ni tsanisa: Ti to ni na vekisa mithetho yako yo lulama.

Masalmo 116:18

Ni na londeta sixambanyo si ni nga si maha ka Mkoma, masoni ka votshe vathu vakwe,

Masalmo 116:14

Ni na landela sixambanyo si ni nga si maha ka Mkoma, masoni ka votshe vathu vakwe.

Masalmo 76:11

Mahani sithembiso ka Mkoma, Txizimu txanu, aniko txi ningeni asi mi nga txi thembisa. Otshe matiko a hafuhi ma na wuyise miningelo me ta luva Txizimu txi fanelako kuxoniphwa!

Masalmo 61:8

Ngu toneto, ni na embelela masalmo ka ditina dako ngu ha ku si gwitiko, kasi kutatisa sixambanyo sangu ditshiku ni ditshiku.

Masalmo 61:5

Awe koko Txizimu, u engisile sixambanyo sangu u amukete txikombelo txa vale va ku dhumisako.

Masalmo 56:12

Sithembiso si ni nga ku mahela, awe Txizimu, ni lava ku si tatisa ngu kubonga,

Isaya 19:21

Kambe Mkoma a na ti kombekisa ka Egipta, se Vaegipta va na ziva Mkoma, ka ditshiku dile; ina, vona va na mkhozela ngu miphaxo ni miningelo, ve maha sixambanyo ka Mkoma, ni ku si vekisa.

Masalmo 22:25

Ni na kudhumisa ni si karali, hagari ka msengeletano wa hombe. Masoni ka vale va ku khozelako, ni na tatisa sithembiso si ni nga si maha.

1 Samuwele 14:24

Se ka ditshiku dile vathu va ka Israyeli va ti rerekile ngutu, nguko Sawule a ti xambanyile ka vathu, a txi khene: Dikhombo ka m'thu wule a no dya dipawu kala ni minova, kasiku ni ti photela ka valala vangu. Se vathu votshe va to leka kudya dipawu.

1 Samuwele 1:28

Ngu kumaha keto, ani kambe ni mningete ka Mkoma, ka otshe masiku a kuhanya kwakwe; nguko a kombetwe ka Mkoma. Se ene a to khozela Mkoma koneho.

1 Samuwele 1:11

Se a to maha txixambanyo, a txi khene: Awe Mkoma wa Mabutho a Tiyimbi! Ngako ngu ditshuri u txi wona kuxaniseka ka txithumi txako, se u ni alakanya, kambe u si divali txithumi txako, aniko u ninga txithumi txako mwanana wa mfana, ni na mningela ka Mkoma masiku otshe a kuhanya kwakwe, ha msungo kwakwe kha ku na mbi pinda limo.

Genesisi 28:15

Ani ni ni nawe, kambe ni na kuxayisa hani ni hani u no maneka u di kona, ni na ku wuyisa ka ditiko diya, nguko kha ni na mbi kuleka na ni sinzi kumaha ati ni nga kugela.”

Genesisi 35:3

Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.

1 Makronika 4:10

Nguko Jabhesi a to kombela ka Txizimu txa Israyeli, a txi khene: Ni katekise ngutu, u anamisa mihingano yangu, ni dianza dako di va ni nani, ni ku ni vhikela ka sikarato! Se Txizimu txi to mninga ati a nga kombela.