Genesisi 28:19 - Bhiblia Yo Sawuleka

¹⁹ Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.

Genesisi 28:19 Referans Kwoze

Genesisi 48:3

Se Jakobe a wombile ka Josefa, a txi khene: Txizimu txa Mtamo-Wotshe, txi ti wonekisile kwangu ni di niya Luza, ditikoni ka Kanana, txi ni katekisa,

Genesisi 35:1

Txizimu txi to womba ka Jakobe txi txi kha txona: “Khukha! Tsula Bheteli u txi ya aka kona. Koneyo u na ya aka txiluvelo txa Txizimu, atxi txi nga ti wonekisa kwako, mbimo yile u nga txi thava masoni ka mkomwako Esawu.”

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

1 Vafumeli 12:29

Se a vekile txizimu tximwetxo kona Bheteli, e veka tximwani kona Dhani.

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Genesisi 28:11

Se ngako a di hokile ka wukhalo wokari, a to navela kuhumula konaho, nguko se ditambo di ti swite. A to teka dirigwi dimwedo ka wona wukhalowo, e di maha txikhigelo txa msungo wakwe, a txi otela.

Genesisi 31:13

Ani ngani Txizimu txa Bheteli, ahale u nga thela mafura ka phande u ni mahela txixambanyo. Konkuwa khukha, huma ka ditiko diya u txi tshumelela ditikoni mu u nga velekelwa kona.”

Genesisi 35:6

Jakobe a to hoka Luza, ditikoni da Kanana (i ku Bheteli), ene ni votshe vale a nga ti navo.

Genesisi 35:14

Jakobe a to emisa dirigwi da txialakanyiso, ha wukhaloni hale Txizimu txi nga womba-womba nayo, dirigwi diya txitimwi ka dona a nga phaxa mhamba ya vhinya, e thela kambe mtona.

Genesisi 35:15

Jakobe a to raya wukhalo wule ditina daku i Bheteli, wukhalo wule Txizimu txi nga womba-womba nayo kona.

Joxuwa 8:12

Joxuwa a to teka kambe 5.000 wa vavamna, a txi va veka ve baramela va ti hagari ka Bheteli ni Ayi, ngu mswa-ditambo ka didhoropa.

Joxuwa 18:13

Ngu koneyo, muhingano wu pinda ngu Luza, nyamsi i ku Bheteli, ngu diphambo da wulambwe, wu txi relela ngu Azoti-Adhari, ngu mmango wu wu ku ngu wulambwe ka Bheti-Horoni wa hahatshi.

1 Samuwele 7:16

Se dilembe ni dilembe Samuwele a ti ti tsula eya rendelekela Bheteli, ni Giligali, ni Misipa; se e lamula va ka Israyeli ka otshe makhalo ale.

1 Samuwele 10:3

Se mbimo yi u no pinda hale uya masoni, u ya hoka mkusuni ka Tabhori, koneyo u na ya tshangana ni vavamna vararu, va kwelelako veya Bheteli ka Txizimu: Mmweyo a di rwate tiphongo tiraru, mmwani a di rwate simbwanda siraru, se wa wuraru a ti rwate msava wa vhinya.

Genesisi 35:7

Koneyo a ti ya aka txiluvelo, e raya wukhalowo ditina daku i Eli-Bheteli, nguko ngu koneyo Txizimu txi nga ti wonekisa kwawe, mbimo yi a nga txi thava masoni ka mkomwakwe.

Joxuwa 16:2

Muhingano wu khukhela Bheteli wu txi komba Luza, wu txi pinda ngu hafuhi ka ditiko da Vaarike, aniya Atarote;

Valamuli 20:26

Sekoko votshe vanana va ka Israyeli, ni votshe vathu, va to kwelela va txi ya Bheteli, veya dila masoni ka Mkoma, se va to ti tona ka dotshe ditshiku dile kala minova; kambe va to ningela miphaxo yo hiswa, ni miningelo ya kudikha, masoni ka Mkoma.

2 Vafumeli 2:2

Se Elija a to khene ka Elizewu: Sala kona hawa, Mkoma a ni rumile kuya Bheteli. Aniko Elixa a to khene: Ni xambanya ngu Mkoma a hanyako, ni moya wako wu hanyako a ti to kha ni na mbi kuleka. Se va to tsula kumweko Bheteli.

2 Makronika 13:19

Se Abhiya a to tovela Jerobhowamu e mtekela Bheteli ni makhalo o fumwa ngu ngene, ni Jezana, ni Efroni ni otshe makhalo awa ma fumwako ngu ngene.