Genesisi 28:16 - Bhiblia Yo Sawuleka

¹⁶ Jakobe a to wuka ngu ha wukoheni kwakwe e womba tiya: “Kha ditshuri Mkoma a ho ka wukhalo wuwa, aniko ani ni si ti zivi.”

Genesisi 28:16 Referans Kwoze

Joxuwa 5:15

Sekoko mthangeli wa dibutho da Mkoma, a to khene ka Joxuwa: “Thavisa tikathula mikondoni kwako, nguko wukhalo wu u ku ka wona, mbwo sawuleka.” Se Joxuwa a to maha toneto.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Eksodha 3:5

Txizimu txi ti kha txona: “U nga tshukete hawa; ambula tikathula mikondoni kwako, nguko wukhalo wu u ku ka wona, mafu o sawuleka.”

Jobe 33:14

Kukhata, Txizimu txi womba kumweko ni ka wumbidi; aniko ni wammweyo kha ti pfisisi.

Jobe 9:11

Txizimu txa pinda ngu masoni kwangu, ni si txi woni; se txi tshumela, kambe kha ni txi pfi.

Isaya 8:13

Sawulekisani Mkoma wa Mabutho a Tiyimbi, nguko ngene msawuleki wanu; ngene a thisako kwanu, ngene a dhukisako kwanu.

Masalmo 68:35

Txizimu txa thaviseka txiluveloni ka txona ko sawuleka, Txizimu txa ka Israyeli txi ningako mtamo ni wukoma ka vathu va txona! Txi na dhumiswe Txizimu!

Eksodha 3:4

Mkoma a woni ti to Mosi wa tenderuka kasiku eya wona. Se Txizimu txi to m'dhana txi txi kha txona: “Mosi! Mosi!” Ene a to khene: “Niho hawa.”

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

1 Vafumeli 3:15

Se Solomoni a to wuka, e wona taku a ti ko lora. Se a to ta Jerusalema, a txi ta ti veka hafuhi ni dibhokiso da txitumelelano txa Mkoma, se a to ningela miphaxo, a to longisela miphaxo ya kudikha, se a to mahela m'buso wa hombe vathu vakwe votshe.

Masalmo 139:7

Ni nga ya hani kasi kuya va kule ni Moya wako kani? Ni nga thavela hani kasi kuve kule ni khohe yako kani?

Jeremiya 31:26

Ka tona tiya ni vhumukile ni wona, se wukohe wangu wu ni tshambete.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.