Genesisi 28:12 - Bhiblia Yo Sawuleka

¹² Se a to lora a txi wona dinera di nga emiswa ha mafuni, di txi ya khigetela nzumani, ngu tshokani ka dona, se tingelozi ta Txizimu ti txi kwela ni kutxhika ngu dona.

Genesisi 28:12 Referans Kwoze

Johani 1:51

A to engeta a txi khene: “Ngu ditshuri, ngu ditshuri, na mi gela ku khani: Kukhukhela konkuwa, mi na wona nzuma yi di tulekile, ni tingelozi ta Txizimu na ti txi kwela, ti va ti txhika txitimwi ka Mwanana wa M'thu.”

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Genesisi 15:12

Mbimo yi ditambo di nga txi ya kuswani, Abramu a to ñolwa ngu wukohe, e maneka a di fenengetilwe ngu mtema wo thisa.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Dhaniyeli 7:1

Ka dilembe do khata da Bhelxazari, mfumeli wa Bhabhilona, Dhaniyeli a to lora mloro, e wona ni siwoniso a di otete ha m'bhedhuni kwakwe; se koneko a to bhala mloro, e xawutela misungo ya timhaka ta kona.

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Matewu 1:20

Na a di pimisile toneto, ha wukoheni a to lora a txi wona Ngelozi ya Mkoma yi nga mu gela tiya: “Josefa, mwanana wa Dhavhidha, u nga thave kutekana ni Mariya, kasi kuva msikati wako, nguko txirumbu txi a ku natxo, txi ta ngu ka Moya wo Sawuleka;

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Matewu 2:19

Mbimo yi Herodha a nga fa, Ngelozi ya Mkoma yi to woneka ngu miloro ka Josefa, kona ditikoni ka Egipta, yi txi mu gela tiya:

2 Makronika 16:9

Nguko maso a Mkoma mawona kotshe ha mafuni kutsanisa ava i ku vakwe ngu timbilu tawe totshe. U mahile wuphukuphuku ka mhaka yiya nguko kukhukhela konkuwa u na va ni tiyimbi.

Genesisi 41:1

Se msana ka malembe mambidi, Faro a to lora mloro, e lora a di emile mabambe ka mnambo wa Nilo.

1 Vafumeli 19:5

Se a to otela hahatshi ka mndonga; se ku to woneka ngelozi yi txi ta m'gwesa, yi to kha yona: Wuka u txi dya.