Genesisi 28:11 - Bhiblia Yo Sawuleka

¹¹ Se ngako a di hokile ka wukhalo wokari, a to navela kuhumula konaho, nguko se ditambo di ti swite. A to teka dirigwi dimwedo ka wona wukhalowo, e di maha txikhigelo txa msungo wakwe, a txi otela.

Genesisi 28:11 Referans Kwoze

2 Vakorinto 1:5

Nguko, ngako sixaniso sa Kristu si hi talelako, ngu toneto, thavelelo yathu ni yona ya engeteleka ngu kota yakwe Kristu.

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Genesisi 28:18

Sekoko Jakobe a di wukile ni mixo, a to teka dirigwi di a nga ti di mahile txikhigelo, e di emisa di maha txialakanyiso, e thela mtona tximwi ka dona.

Genesisi 31:46

Se Jakobe a to womba ka vanawe, a txi khene: “Sengeletelani marigwi.” Vona va to rolela marigwi, va txi maha mmumbu ngu ona, va txi dyela Txitimwi ka wona.

Genesisi 15:12

Mbimo yi ditambo di nga txi ya kuswani, Abramu a to ñolwa ngu wukohe, e maneka a di fenengetilwe ngu mtema wo thisa.

Genesisi 28:19

Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.